Ákim bul jylǵy esebin pandemııa saldarynan tabys kózinen aırylǵan turǵyndardy áleýmettik kómekpen qamtý isi barysynda júrgizilgen sharalardan bastady.
Sondaı-aq, Murat Áıtenov qala turǵyndaryn adamı kapıtaldy birlese kóterýge shaqyrdy. Áleýmettik jaǵdaıdy túzeý maqsatynda júrgiziletin ákimdik josparlarymen bólisti.
«Shymkentte byltyǵy jyly mektep oqýshylarynyń sany bir jylda 20 889 bala kóbeıgen. Bilim salasyndaǵy ınfraqurylymdy sheshý úshin ótken jyly 5 jylǵa jospar jasadyq. 25 jylǵa deıin Shymkentte 85 mektep ashylady. Onyń 33-i memleket esebinen, 12-si memlekettik-jekemenshik áriptestik negizinde salynsa, 40 mektep jeke ınvestorlar salady», dedi qala ákimi.
Turǵyndar tarapynan joldanǵan suraqtardyń basym bóligi densaýlyq, shalǵaı eldi mekenderdegi ınfraqurylym, transport jáne qurylys salasyna qatysty boldy. Murat Áıtenov onlaın esebi aıasynda turǵyndar men BAQ ókilderiniń saýaldaryna jaýap berdi.
