Aryz-shaǵymnyń 30 paıyzy mıkroqarjy uıymdaryna (MQU), 3 paıyzy kollektorlyq agenttikterdiń belden basqan áreketterine baılanysty.
«О́tinishterdiń kópshiliginiń máni – problemalyq bereshekti retteý, onyń ishinde bereshekti qaıta qurylymdaý nemese qaıta qarjylandyrý rásimderi arqyly retteý, qaryz alýshylardyń borysh júktemesin azaıtý jónindegi usynystardy qaraý máseleleri», delinedi vedomstvo habarlamasynda.
Agenttik júrgizgen qujattamalyq tekserýler nátıjeleri boıynsha 93 qarjy uıymyna jáne 21 kollektorlyq agenttikke jalpy somasy 25,5 mln teńge bolatyn shara qoldanylyp, 54 jazbasha uıǵarym men 87 ákimshilik jaza bekitilgen. Sondaı-aq qadaǵalaýshy azamattarǵa tikeleı keńes beredi.
«2021 jyly Call-ortalyq jáne jedel jeli arqyly azamattardan 5 570 qońyraý kelip tústi. Shamamen 5 myń qarjylyq qyzmetterdi tutynýshymen kezdesýler uıymdastyryldy, olardyń máseleleri boıynsha jan-jaqty túsiniktemeler berilip, quqyqtyq qoldaý kórsetildi. Agenttiktiń járdemdesýi nátıjesinde bankter men MQU 6 myńnan asa azamattyń qaryzyn qaıta qurylymdady. Agenttik atqarýshylyq is júrgizý rásimderi sheńberinde azamattardyń quqyqtaryn qorǵaý boıynsha sharalar qabyldady. Mamandar 1 305 sot otyrysyna qatysty, onyń ishinde 1 100 talap-aryz boıynsha sheshim qaryz alýshylardyń paıdasyna shyǵaryldy», delinedi habarlamada.
Naryqtaǵy keleńsizdikterdi retteý úshin agenttik Almaty qalasy ákimdigimen, 18 bank jáne 9 qoǵamdyq birlestikpen, sonymen qatar kollektorlyq agenttikter qaýymdastyqtarymen memorandým jasasqan. Tutynýshylyq kredıtteýdegi táýekelderdi barynsha azaıtý úshin agenttik bankter men MQU úshin, qaryz alýshylardyń tólem qabiletin mindetti túrde baǵalaý jónindegi talap engizgen. Iаǵnı kirisi eń tómengi kúnkóris deńgeıinen tómen azamattarǵa qaryz berýge tyıym salyndy. Azamattardyń borysh júktemesi qaryz alýshy kirisiniń 50 paıyzynan aspaıtyn deńgeıde shekteldi.
«Bıyl 1 qazannan bastap bankter men MQU úshin mindetti, azamattardyń kredıtteri boıynsha merzimi ótken bereshekti retteýdiń biryńǵaı tártibi zańnamalyq deńgeıde engizildi. Endi bankter men MQU problemalyq qaryz alýshylardyń qarjylyq jaǵdaıyn jeke tártippen baǵalaýǵa jáne merzimi ótken bereshekti qaıta qurylymdaý talaptaryn aıqyndaýǵa mindetti bolady. Májilis depýtattarynyń usynysy boıynsha memlekettik basqarý máseleleri jónindegi zań jobasyna tóleý merzimi 90 kúnnen asyp ketken jaǵdaıda jeke tulǵalardyń kredıtteri boıynsha syıaqy esepteýge tyıym salý jónindegi túzetý engizildi. Bul norma tutynýshylyq qaryzdar boıynsha tóleý merzimi ótken jaǵdaıda azamattardyń kredıt beresheginiń ósýin shekteıdi», dep habarlaıdy agenttik.
