«Demetrıýs Andrade men Jánibek Álimhanuly arasyndaǵy jekpe-jek óte me, joq pa? Amerıkalyq boksshy ózine tıesili álem chempıony ataǵynan bas tarta ma? Menińshe bul shaıqas uıymdastyrylmaıdy. Demetrıýs Andradeniń promoýteri Eddı Hırn jaqynda ǵana málimdeme jasaǵan bolatyn.
«Men Andradeni Djermall Charlo nemese Gennadıı Golovkınmen kezdestirgim keledi. Bul kezdesýlerdi uıymdastyra almasaq, Andrade ekinshi orta salmaq dárejesine kóteriledi», degen Hırnniń sózi jadymyzda. Sol sebepti Demetrıýstiń Jánibekpen rıngte kezdesetinine kúmánmen qaraımyn. Ol 15 qańtarǵa deıin beldigin bos qaldyrýy ábden múmkin», deıdi arna jetekshisi.
