«Qala turǵyndary ózin qaýipsiz sezinýi kerek. Qoǵamdyq tártip pen qaýipsizdikti júıeli negizde nyǵaıtý úshin materıaldyq-tehnıkalyq bazany jańartyp, qadamdyq qoljetimdilik aıasynda modýldik beketter ashamyz, polısııanyń tirek pýnkterin qalpyna keltiremiz jáne t.b. Quqyqbuzýshylyqty aldyn alý jónindegi máseleler vedomstvoaralyq komıssııanyń otyrysynda polısııa departamentiniń basshylyǵymen talqylandy.
Memleket basshysy Joldaýynda ishki ister organdaryn jańǵyrtýdyń basymdyqtary men qaýipsizdikti qamtamasyz etýdiń servıstik modeline kóshýdi belgiledi.
Máselen, bıyldyń ózinde ǵana qalanyń túrli aýdanynda 10 modýldik polısııa beketi ornatylyp, ýchaskelik pýnkterdi ornalastyrý úshin taǵy da osyndaı kólemde úı-jaı berildi. Bul jospardan eki ese joǵary.
Sol sııaqty, osyǵan deıin polısııa departamentine 65 birlik arnaıy tehnıka berildi, jańa ákimshilik (Esil aýdany) ashyldy, onda 400-den astam qyzmetker eńbek etedi, jańa TK birinshi qabattarynda jáne jańa dene shynyqtyrý-saýyqtyrý keshenderinde áleýmettik nysandardan basqa polısııanyń tirek pýnkterin ashamyz. Saryarqa aýdanynda polısııa departamentiniń bólimshesine arnalǵan ǵımarattyń qurylysy júrip jatyr.
Sondaı-aq, kámeletke tolmaǵandarǵa qatysty qylmystardyń aldyn alý, jol qozǵalysyn uıymdastyrýdy jetildirý jáne jol qaýipsizdigi deńgeıin arttyrý boıynsha jumystar júrgizemiz, «Qaýipsiz aýla» jáne t.b. jobalardy keńeıtýdi jalǵastyrýdamyz.
Atalǵan sharalardyń bári turǵyndarǵa jedel kómek kórsetýge, quqyqbuzýshylyqty boldyrmaýǵa, qylmystardyń ashylýyn arttyrýǵa jáne t.b. múmkindik beredi», dep jazdy elorda ákimi.
