Osynyń bári erkindiktiń arqasy

Taba emes, táýbe, biz munyń birin de kórgenimiz joq. «Egemen Qazaqstan» gazetinen Elbasynyń «Táýelsizdik taǵy­ly­my» atty maqalasyn oqyǵanda alǵash oıyma osy oraldy. Jalpy, mem­le­kettiń tabysy kóptiń eńbegi arqy­ly quralatyny aıan ǵoı. Erkindiktiń eleń-alańynda kásip bastaǵandardyń birimin. Alǵashqyda aǵashtan esik-tereze jasap, jıhaz shyǵardyq. Keıin memlekettiń qoldaýyna súıenip, azǵantaı nárseden bastalǵan isimiz irgeli kásiporynǵa aınaldy. Qosymsha mal, egin sharýashylyǵymen aınalysa bastadyq. Bıznesti qoldaý men memlekettik retteý mehanızmi qa­lyp­ta­syp, az jylda salanyń ekono­mı­ka­daǵy úlesi aıtarlyqtaı ósti.

Otyz jylda júrip ótken jolymyzdy kóz aldymyzǵa ákelgen Elbasy maqa­la­syn­da «Adamdy qandaı qıyndyqtan da aman alyp shyǵatyn qudiret eńbek ekenin men sábı kezimnen-aq sezindim. Keıingi jastarǵa únemi «Eńbek et, otbasyńdy asyra, elińe qyzmet qyl: óziń de tabys­ty bolyp, Otanyńnyń da qýaty artady» deıtinim sondyqtan» deıdi. Bul qazir eńbektenip bel taldyrmaı-aq birden ba­ıyp ketkisi kelip júretin jastar jadynda tutar ósıet.

Jas memlekettiń búkil jetistigi kóz aldy­myzda tur. Ásirese, áleýmettik sala­da TMD memleketteri arasynda kósh ilge­ri kettik. Men jas kezimde kólik apatyna ushyrap, bir qolymnan aıyryl­ǵan­myn. El­basynyń múmkindigi shekteýli jandar úshin kedergisiz qoǵam qurý tapsyrmasy ba­ǵytyndaǵy bastamalaryna dán rızamyn.

Osydan biraz buryn Elbasy «Táýel­siz­dik jyldarynan beri eske alatyn bol­saq, barlyq jaǵdaıymyzdy Qyzyl­orda óńirimen-aq salystyryp bi­lý­ge bolady. Keńes Odaǵy kúıregen 90-jyldardyń basynda meniń aldymda búkil Qyzylorda halqyn kóshirý týra­syn­da másele turǵan bolatyn. Dala qa­ńy­rap qaldy, jer sortańdandy. Aral aımaǵynda jumys qal­maı, Syrdyń ózinde birde sý tapshy bolsa, endi birde asyp-tasyp jatty. Sonda aqsaqaldarmen aqyldasyp, bárin qolǵa alyp, jaǵdaı jasaýdy bastadyq. Kishi Aralǵa halyq qaıta kelip, balyq kási­bine den qoıa bastady. Qyzylorda arqyly ótetin avtokólik jelisi salyndy. Gaz qubyry da batystan ońtústikke keldi. Syrdyń ústinen kópir salyndy. Qyzylordanyń ózi de kórkeıip, álemniń 20 elinde ǵana júrekke jasalatyn operasııa osynda jasalatyn boldy», degen edi. Bul – bizge táýelsizdik syılaǵan tabys. Osynyń bári erkindiktiń arqasy.

Nurmurat ERMANOV,

kásipker

QYZYLORDA