Álem • 28 Jeltoqsan, 2021

Ońtústik Afrıkanyń birneshe qalasyn tasqyn sý basyp qaldy

450 ret
kórsetildi
1 mın
oqý úshin

Ońtústik Afrıka Respýblıkasynyń astanasy Pretorııa men eldiń eń iri qalasy Iohannesbýrgtiń basym bóligi tolassyz jaýǵan nóser saldarynan sý astynda qaldy, dep habarlaıdy Egemen.kz.

Ońtústik Afrıkanyń birneshe qalasyn tasqyn sý basyp qaldy

Jergilikti bıliktiń málimetinshe, astanalyq aýdandar – Hammanskral men Bronhorstsprýıt jartylaı sý astynda qalǵan. Turǵyndardy evakýasııalaý júrip jatyr, qutqarý jasaǵynyń qyzmetkerleri sý tasqynyn joıý úshin or qazýda. Zardap shekkender mýnısıpaldyq qurylystardaǵy ýaqytsha baspanalarǵa aýystyryldy.

Iohannesbýrgte Iýkskeı ózeni arnasyna asty, Dıpslýt, Klıptaýn jáne taǵy birneshe eldi mekenniń aýdandaryn sý basty.

Eldiń basqa aımaqtarynda da birneshe kún boıy tolassyz jańbyr jaýdy. Tasqyn saldarynan segiz adam qaza tapty.