Ol óziniń depýtattyq saýalyn Premer-Mınıstrdiń orynbasary Eraly Toǵjanovqa joldaǵan.
«Bıylǵy Joldaýda Prezıdent Qasym-Jomart Toqaev Májiliste jáne jergilikti máslıhattarda depýtattyq mandattardy bólý kezinde áıelderge, jastarǵa jáne erekshe qajettilikteri bar adamdarǵa 30 paıyzdyq kvota engizýdi tapsyrdy. Búgin Májilis osy zań jobasyn jumysqa qabyldady. Biz bul bastamany qoldaımyz», dedi Ǵanı Hamzın.
Sonymen qatar, ol saıası quqyqtardan basqa, jastar, áıelder jáne múmkindigi shekteýli azamattar úshin eńbek qyzmeti mańyzdy ekenin atap ótti.
«Eger depýtattyq mandattardy bólý týraly aıtatyn bolsaq, Mandattardyń 30%-yn bólý jastar, áıelder men múgedekter úshin tek 32 jańa jumys oryndarynyń paıda bolýyna ákeledi. Sonymen qatar, 2020 jyly eldegi memlekettik qyzmetshilerdiń sany 88,5 myń adamdy qurady, al kvazımemlekettik sektorda 809 myń jumys orny jumys isteıdi. Iаǵnı, memlekettik organdar men ulttyq kompanııalar úshin osy kvotany qoldaný 32 jumys ornyn emes, jastar, áıelder jáne múmkindigi shekteýli azamattar úshin 269 myń jumys ornyn berer edi», deıdi ol.
Osyǵan baılanysty Parlament múshesi mınıstrlikter men basqa da memlekettik organdardyń, ulttyq kompanııalar men kvazımemlekettik sektor kásiporyndarynyń qyzmetkerleri arasynda eń aldymen jastar men erekshe qajettilikteri bar adamdar, sondaı-aq áıelder úshin kvota engizý týraly máseleni qaraýdy usyndy.
