QR Statıstıka jónindegi ulttyq bıýrosynyń saıtynda jarııalanǵan resmı statıstıkalyq esepke sáıkes, 2020 jyldyń qańtar-qarasha aılarynda elimizde basqa tásilmen daıyndalǵan nemese konservilengen 11,6 myń tonna balyq, ýyldyryq jáne onyń almastyrǵyshtary óndirildi. Bıylǵy jyldyń uqsas kezeńinde bul kórsetkish 13,7%-ǵa artyq bolyp, 12,3 myń tonnany qurady.
Balyq paıdalaný resýrstarynyń teńgerimin esepteý boıynsha QR SJjRA Ulttyq bıýrosynyń ádisnamasyna sáıkes, bul kórsetkishke 100 adamnan kem kásiporyndar kirmeıdi, al balyq salasynda negizgi úles toqsan saıyn eseptilik usynatyn shaǵyn jáne orta kásipkerlik sýbektilerine tıesili, tıisinshe saıtta ornalastyrylǵan 2021 jylǵy kórsetkishte bıylǵy jyldyń 4 toqsanyndaǵy kásiporyndardyń óndiris kólemi eskerilmegen.
Budan basqa, 12,3 myń tonna kórsetkishi qorytyndy kórsetkish emes (2021 jyldyń 11 aıynda) jáne óńdeýshi kásiporyndardyń jumysyn eskere otyryp, jeltoqsanda jyldyq kórsetkish artady.
Osylaısha, bul derekter kerisinshe, 2020 jylmen salystyrǵanda 2021 jyly balyq ónimderin óndirý kóleminiń óskenin kórsetedi.
Respýblıka boıynsha 2020 jyldyń 11 aıynda balyq aýlaý 45,3 myń tonnany qurady, al bıylǵy jyldyń osyndaı kezeńinde 48,6 myń tonna balyq aýlanǵan, ıaǵnı ósim ótken jylǵa qaraǵanda 7,3%-dy quraıdy.
Jalpy, respýblıka boıynsha 2021 jyldyń qańtar-qazan aılarynda óńdelgen jáne konservilengen balyq, shaıan tárizdiler men mollıýskalar óndirisiniń kólemi 87,1 myń tonna balyqty qurady. 2020 jyldyń uqsas kezeńimen salystyrǵanda óndiris kólemi 10%-ǵa nemese 8,8 myń tonnaǵa ósti.
Balyq ósirý balyq salasy damýynyń ósý núktesi bolyp tabylady. Sondyqtan, Qazaqstan Respýblıkasy Úkimetiniń 2021 jylǵy 5 sáýirdegi № 208 qaýlysymen Balyq sharýashylyǵyn damytýdyń 2030 jylǵa deıingi baǵdarlamasy bekitildi. Baǵdarlamanyń negizgi ındıkatory - ósirilgen balyq kólemin 2030 jylǵa qaraı jylyna 270 myń tonnaǵa deıin ulǵaıtý.
2021 jyly ósirilgen balyq kólemi 13,1 myń tonnany qurady, bul 2020 jylǵa qaraǵanda 31%-ǵa joǵary (9,0 myń tonna). Bıylǵy jyly ártúrli ákimshilik kedergilerdi boldyrmaıtyn, rásimderdi ońaılatatyn, naryq sýbektileriniń múmkindikterin keńeıtetin jáne olardyń balyq óndirýge arnalǵan shyǵystaryn tómendetetin birqatar zańnamalyq bastamalar qabyldandy.
Osylaısha, mınıstrliktiń baspasóz qyzmeti BAQ ókilderinen qoǵamda qate pikir qalyptastyrýǵa ákep soǵýy múmkin, burmalanǵan aqparattyń taralýyna jol bermeý maqsatynda aqparattyń durys kózderine senim artýdy suraıdy.
