Álem • 30 Jeltoqsan, 2021

«Delta» men «omıkron» jaǵdaıdy ýshyqtyrýy múmkin

10564 ret kórsetildi

Dúnıejúzilik densaýlyq saqtaý uıymynyń dırektory Tedros Adhanom Gebreıesýs «delta» men «omıkron» shtamdary jaǵdaıdy ýshyqtyrýy múmkin ekenin aıtty, dep habarlaıdy Egemen.kz.

DDU basshysy COVID-19-dyń jańa shtamdary saldarynan kóp adam aýyryp jatqanyn jáne aýrýhanaǵa jatqyzý, ólim-jitim sany da artyp jatqanyn málimdedi. Sonymen qatar Fransııa, Ulybrıtanııa, Danııa, Italııa, Ispanııa, Portýgalııa, Grekııa, Kıpr, Italııa, Malta, AQSh, Bolıvııa, Aýstralııada keıingi kúnderi aýyrǵandar sany artqan.

«Delta» men «omıkron» qazir eki ese qaýip tóndiredi. Juqtyrǵandar sany artýyna, aýrýhanaǵa jatqyzý qaýpine, ólimniń kúrt artýyna ákeledi. «Omıkron» transmıssıvti sıpat alyp, deltamen bir ýaqytta taralýy jaǵdaıdy ýshyqtyra ma dep qatty alańdaımyn», dedi DDU basshysy Twitter-de ótken brıfıngte.

DDU basshysynyń aıtýynsha, koronavırýs ınfeksııasyn jeńý úshin densaýlyq saqtaý salasyndaǵy teńsizdikti joıý qajet.

«Bul búkil álemdegi densaýlyq saqtaý júıelerine qysym kórsetýi múmkin. Sondyqtan biz baı elder men óndirýshilerdiń kóshbasshylaryn bolyp jatqan jaılardan sabaq alyp, ár el turǵyndarynyń 70 paıyzyn vaksınalaý úshin birge jumys isteýge shaqyramyz», dep túıindedi ol.

DDU esebine sáıkes, bir apta ishinde Eýropada COVID-19 ınfeksııasynyń jańa jaǵdaılary 57 paıyzǵa, Amerıkada 30 paıyzǵa artqan. Qazir álemde kún saıyn 900 myńǵa jýyq jańa jaǵdaı tirkeledi.

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar