Úkimet • 31 Jeltoqsan, 2021

Elimizde ıadrolyq medısınany damytýdyń Jol kartasy ázirlenedi

253 ret

kórsetildi

1 mın

oqý úshin

Búgin Qazaqstan Respýblıkasy Premer-Mınıstriniń orynbasary Eraly Toǵjanovtyń tóraǵalyǵymen memlekettik, jeke qurylymdar men salanyń jetekshi mamandarynyń qatysýymen ıadrolyq medısınany damytý máseleleri boıynsha keńes ótti, dep habarlaıdy Egemen.kz Primeminister.kz-ke silteme jasap.

Botakóz BAQBERGEN

Elimizde ıadrolyq medısınany damytýdyń Jol kartasy ázirlenedi

Vıse-Premer Qazaqstandaǵy ıadrolyq medısına isteriniń qazirgi jaı-kúıi, problemalary men perspektıvalary máselelerin kóterdi.

Keńes barysynda Densaýlyq saqtaý vıse-mınıstri Ajar Ǵınııat baıandama jasady. Ol dıagnostıkanyń zamanaýı ádisin júrgizýdi qajet etetin onkologııalyq pasıentterdiń sany artyp kele jatqanyn atap ótti. Qazir Qazaqstanda 4 pozıtrondy-emıssııalyq tomograf (PET-ortalyq) jumys isteıdi: Nur-Sultan qalasynda - 2, Almatyda - 1 jáne Semeıde - 1.

Premer-Mınıstrdiń orynbasary onkologııalyq aýrýlarmen kúres jónindegi keshendi jospardyń «Tıimdiligi joǵary erte dıagnostıka» baǵyty aıasynda aldaǵy 2 jylda zertteýdiń ınnovasııalyq ádisteri úshin Nur-Sultan, Shymkent, Aqtóbe jáne Qaraǵandy qalalarynda taǵy 4 PET-ortalyq ashý josparlanǵanyn atap ótti.

Keńes qorytyndysy boıynsha Eraly Toǵjanov PET-ortalyqtar jelisin keńeıtý arqyly otandyq ıadrolyq medısınany damytýdyń Jol kartasyn ázirleýdi tapsyrdy.