«Memleket basshysynyń 2020 jylǵy 1 qyrkúıektegi «Qazaqstan Jańa naqty ahýalda: is-qımyl ýaqyty» atty Qazaqstan halqyna Joldaýyn iske asyrý jónindegi Jalpyulttyq is-sharalar josparynyń 10-tarmaǵynda (Qazaqstan Respýblıkasy Prezıdentiniń 2020 jylǵy 14 qyrkúıektegi № 413 Jarlyǵymen bekitilgen) «Quqyqtyq saıasat tujyrymdamasy sheńberinde egjeı-tegjeıli quqyqtyq reglamentteý men basqarýshylyq sheshimder qabyldaýdyń ıkemdiligi arasyndaǵy teńgerimdi qamtamasyz etý bóliginde zańnamany ózgertýge baǵyttalǵan erejelerdi iske asyrý» is-sharasy kózdelgen. Osyǵan baılanysty osy mindetterdi iske asyrý Qazaqstan Respýblıkasy Prezıdentiniń 2021 jylǵy 15 qazandaǵy № 674 Jarlyǵymen bekitilgen Qazaqstan Respýblıkasynyń 2030 jylǵa deıingi quqyqtyq saıasat tujyrymdamasyna engizilgen», dep jazdy Asqar Mamın óz jaýabynda.
Onyń aıtýynsha, tujyrymdamada quqyqtyq reglamentteý deńgeıleri men basqarýshylyq sheshimder qabyldaýdyń ıkemdiligi arasyndaǵy teńgerimdi qamtamasyz etý maqsatynda qaıta qaraý qajet normalardy anyqtaý turǵysynan zańdarǵa tekserý júrgizý, jekelegen memlekettik organdarǵa osyndaı aktilerdiń zańdylyǵyn baqylaý maqsattaryn, qaǵıdattary men tetikterin bir mezgilde belgileı otyryp, zańǵa táýeldi normatıvtik quqyqtyq aktilerdi qabyldaý úshin dıskresııalyq ókilettikter berý, sondaı-aq normatıvtik quqyqtyq aktini qabyldaýdyń ońaılatylǵan tártibin kózdeý qajet» dep kózdelgen.
«Qazirgi ýaqytta Ádilet mınıstrligi Prezıdent Ákimshiligimen birlesip tujyrymdamany iske asyrý jónindegi is-qımyl josparynyń jobasyn pysyqtaýda, onda zańdardaǵy artyq naqtylanǵan normalardy anyqtaý boıynsha taldaý júrgizý jáne olardy qaıta qaraýdyń oryndylyǵyn qaraý, sondaı-aq zańǵa táýeldi normatıvtik quqyqtyq aktilerdi qabyldaý máselesin pysyqtaý kózdelgen. Osylaısha, tıisti zańnamalyq aktilerdi ázirleý jáne qabyldaý kóterilip otyrǵan másele boıynsha taldaý júrgizilgennen keıin júzege asyrylady», dep atap ótti Premer-Mınıstr.
«Zańdardyń turaqtylyǵyn qamtamasyz etý bóliginde Úkimet zańnamanyń turaqtylyq dárejesin taldaýdy daıyndaý máselelerin reglamentteıtin quqyqtyq monıtorıng júrgizý qaǵıdalaryna ózgerister engizgenin (Qazaqstan Respýblıkasy Úkimetiniń 2021 jylǵy 10 tamyzdaǵy № 544 Qaýlysy) habarlaımyn, bul memlekettik organdar qabyldaǵan normatıvtik quqyqtyq aktilerdiń tıimdiligin baǵalaýǵa múmkindik beredi», dep túıindedi A.Mamın.
