Aımaqtar • 06 Qańtar, 2022

Almatydaǵy tártipsizdik: áýejaı quqyq qorǵaý organdarynyń ıeligine ótti

72 ret kórsetildi

Almaty ákiminiń orynbasary Erjan Babaqumarov arnaıy operasııa barysynda áýejaıdaǵy basqynshylyq áreket toqtaǵanyn málimdedi, dep habarlaıdy Egemen.kz.

«Qalada tártip ornatý maqsatynda terrorızmge qarsy arnaıy operasııa bastaldy. Áýejaı bosatyldy. Shtattyq jumys rejımine aýystyrylady», dedi Babaqumarov.

Almaty komendatýrasynyń aqparat ortalyǵy málimetinshe, tártipsizdikterdi jaqtaýshylar qalaǵa zalal keltirip, quqyq qorǵaý organdarynyń tártip ornatý jáne qaýipsizdikti qamtamasyz etý jónindegi zańdy áreketterine qarsylyq kórsetken.

«Ekstremıster nysandardy tonap, kásiporyndarǵa zııan keltirdi. Sonymen qatar, beıbit turǵyndardyń ómiri men densaýlyǵyna qaýip tóndirip, medısına qyzmetkerleri jumysyna kedergi keltirip, emhanalar men aýrýhanalardy búldirdi. Almatydaǵy qylmystyq toptardyń joǵary deńgeıde uıymdastyrylýy shetelde shyndap daıyndyqtan ótkenin aıǵaqtaıdy. Olardyń Qazaqstanǵa shabýyly - basqynshylyq áreket, memlekettiń tutastyǵyna nuqsan keltirý áreketi», delingen habarlamada.

Komendatýra UQShU-nyń kómegi memleketti syrtqy qaýipterden qorǵaýǵa qajet shara ekenin aıtty.

«Birge ál-aýqatymyz ben bolashaǵymyzǵa qaýip tóndiretin lańkestik pen qylmystyq aktilerdi toqtata alamyz. Biz turǵyndardy sabyrǵa shaqyryp, konstıtýsııalyq qurylys pen qoǵamdyq qaýipsizdikti ornatýda quqyq qorǵaý organdaryna kómektesýge shaqyramyz», delingen habarlamada.

 

 

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar