7 qańtar – Qytaı tarapynyń bastamasy boıynsha Qazaqstan Respýblıkasynyń Premer-Mınıstri orynbasarynyń m.a. - Syrtqy ister mınıstri Muhtar Tileýberdi QHR elshisi Chjan Sıaony qabyldady.
Elshi QHR Tóraǵasy Sı Szınpınniń Memleket basshysynyń atyna qoldaý jáne elimizdegi jaǵdaıdyń tez arada turaqtanýyna senim bildirý sózderimen joldaǵan joldaýyn jetkizdi.
Dıplomattyń aıtýynsha, Qytaı tarapy Qazaqstandaǵy turaqtylyq pen qaýipsizdikke nuqsan keltiretin kez kelgen kúshke qarsy, al Qytaı elimizdiń adal dosy jáne senimdi seriktesi bolyp tabylady.
Mınıstr eldegi jaǵdaı jáne UQShU kúshteriniń qatysýymen júrgizilip jatqan terrorızmge qarsy operasııa týraly habarlady.
