Elorda • 12 Qańtar, 2022

«Jaǵdaı kúrt nasharlady»: Altaı Kólginov qala turǵyndaryna úndeý jasady

94 ret kórsetildi

Nur-Sultan qalasynyń ákimi Altaı Kólginov óziniń Instagram paraqshasynda sońǵy kúnderi qaladaǵy epıdemıologııalyq jaǵdaı nasharlap ketkenin jazyp, qala turǵyndaryn vaksınasııadan jáne revaksınasııadan ótýge shaqyrdy, dep habarlaıdy Egemen.kz elorda ákimdiginiń resmı saıtyna silteme jasap.

«Qalamyzda jaǵdaı turaqty, qaýipsizdik jaǵdaıy qamtamasyz etilgen. Biraq sońǵy kúnderi epıdemıologııalyq jaǵdaıdyń kúrt nasharlaǵany týraly aıtý qajet. Elorda «qyzyl aımaqqa» ótti.

Buryn táýligine orta eseppen koronavırýs juqtyrǵan 100-ge jýyq naýqas tirkelse, qazir bul jaǵdaı 1200-den 1,5 myńǵa deıin ózgerdi! Kúnine 100-ge jýyq naýqas aýrýhanaǵa jatqyzýdy qajet etedi. Bul jaı ǵana san emes, onyń árqaısysynyń artynda ár azamattyń densaýlyǵy tur. Al bul qalanyń medısınalyq mekemelerine úlken júkteme!

Kalamyzda koronavırýstyń jańa shtamy – «omıkron» paıda bolǵaly beri naýqastar qatary kúrt óskenin baıqap otyrmyz. Dárigerler aıtqandaı, bul jaǵdaı ótken merekelik kúndermen tikeleı baılanysty. Omıkron shtamy jyldam taraıtyn, barlyq jastaǵy adamǵa juǵatyn teris qasıetke ıe! Jedel medısınalyq járdem stansııasyna táýligine 4,5 myńnan asa adam júginedi; shaqyrýlar – 2 myńnan astam.

Búgin №10 emhanaǵa bardym. Negizgi kúsh qalanyń emhanalaryna túsip otyr. Ambýlatorııalyq qyzmetterdiń jumysyn kúsheıtýdi tapsyrdym. Osyǵan deıin koronavırýspen aýyratyn naýqastardyń úıine qatynaıtyn mobıldi brıgadalardyń sany 300-ge deıin artqan, sol sııaqty qalanyń medısınalyq mekemeleri qosymsha jabdyqtarmen jáne dári-dármektermen jabdyqtalǵan.

Qosymsha taǵy 4 aýrýhanaǵa ınfeksııalyq stasıonarlar ornalastyryldy. Bul bizge tósek sanyn eki ese arttyrýǵa múmkindik berip otyr. Jalpy alǵanda 1200-den astam tósek-oryn bar.

Naýqastar sanynyń odan ári ósýine jol bermeý úshin qala turǵyndaryn sanıtarlyq normalardy qatań saqtaýǵa, adam kóp jınalatyn oryndarǵa barmaýǵa, bir-birine qonaqqa barmaýǵa, iri otyrystarǵa qatyspaýǵa shaqyramyn.

Men áli ekpe almaǵan barlyq azamatty vaksına alýǵa, sondaı-aq revaksınasııa ýaqyty jaqyndaǵandardy qaıtadan ótýge shaqyramyn.

Koronavırýs juqtyrǵan jaǵdaıda vaksınasııalanǵan azamattar vırýsty áldeqaıda jeńil ótkizedi. Vaksınasııa arqyly ǵana siz ózińizdiń jáne jaqyndaryńyzdyń densaýlyǵyn qorǵaı alasyz. О́z aǵzańyzdy adamnyń ómiri men densaýlyǵyna qaýip tóndiretin qaýipti vırýspen synamańyz», dep jazdy elorda ákimi.

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar