«2022 jylǵy 10 qańtarda UQK Shekara qyzmeti Jambyl oblysy boıynsha departamentiniń ýchaskesinde tártipsizdikterge qatysýshylar men UQK departamenti ǵımaratyna shabýyl jasaǵandardy izdestirý boıynsha jaýyngerlik tapsyrmany oryndaý kezinde Qordaı aýdany boıynsha Shekara basqarmasynyń áskerı qyzmetshileri: kapıtan Erzat Kınaıatoldanovıch Karmenov pen kelisimshart qyzmetiniń áskerı qyzmetshisi, qatardaǵy jaýynger Shavkat Shatlıkovıch Armıdınov kólik apatyna ushyrap, qaza tapty», dep jazylǵan UQK taratqan habarlamada.
12 qańtar kúni О́skemen qalasynda kapıtan E.Karmenovty sońǵy saparǵa shyǵaryp saldy. Qatardaǵy jaýynger Sh.Armıdınovty Almaty oblysynyń Úlken Dıhan aýylynda jerledi.
Qaza tapqandarmen qoshtasý rásimine UQK Shekara qyzmetiniń ShQO jáne Almaty oblysy boıynsha departamentteriniń basshylary, shekarashy-ardagerler, áriptesteri men jaqyndary qatysty.
