Bul týraly Habar 24 telearnasyna uıymnyń bas hatshysy Stanıslav Zas aıtty.
Kontıngenttiń jalpy sany - 2,5 myń sarbaz. UQShU kúshteri eki qalada - Almaty men Nur-Sultanda.
«Biz bitimgershilik operasııasynyń sońǵy kezeńin bastadyq. Búgin biz bitimgershilik kúshteriniń qorǵaýyndaǵy nysandardy jergilikti qaýipsizdik kúshterine beremiz. Erteń kontıngentti Qazaqstannan uıymdasqan túrde shyǵarý boıynsha birqatar is-sharalardy bastaımyz. Saltanatty is-shara ótkizip, áskerlerdi kezeń-kezeńimen shyǵaramyz. Memleket basshylary bul is-sharalardy 10 kún ishinde 23-shi kúnge deıin aıaqtaý mindetin qoıdy. Bul áskerdi asyqpaı shyǵarýǵa múmkindik beredi», dedi UQShU Bas hatshysy.
