14 qańtardan bastap mamandandyrylǵan HQKO-lar jumysqa kiristi. Jumys kestesi saǵat 9.00-den 18.00-ge deıin (dúısenbiden jumaǵa deıin). Sonymen qatar, HQKO bólimderinde qujat retindegi sektor iske qosyldy, kóshi-qon HQKO-da jumysyn qaıta bastady.
«Eske salaıyq, memlekettik qyzmetterdiń 80 paıyzdan astamyn onlaın túrde alýǵa, sondaı-aq avtokólikti Kaspi jáne Halyk Homebank bank qosymshalary arqyly qaıta resimdeýge bolady. Bul qyzmetterdi avtokólik HQKO-larynda kezek týdyrmaý úshin paıdalanýǵa keńes beremiz. Mamandandyrylǵan HQKO ǵımaratyna kirý Ashyq qosymshasy arqyly júzege asyrylady. Epıdemıologııalyq jaǵdaıǵa baılanysty tutynýshylar sanıtarlyq qaýipsizdik erejelerin saqtaýy tıis. Áleýmettik qashyqty saqtap, betperde taǵýy kerek. Memlekettik qyzmetter boıynsha qajet aqparatty 1414 nomeri jáne Instagram jáne Facebook jelilerindegi @gov4c.kz resmı paraqshalarynan alýǵa bolady», dep málimdedi Almaty qalasy boıynsha «Azamattarǵa arnalǵan úkimet» memlekettik korporasııasy qyzmetkeri.
