Oqıǵa • 17 Qańtar, 2022

Almatyda qarýlanǵan 2 adam ustaldy

58 ret kórsetildi

Almatynyń ortalyǵynda qarýlanǵan eki er adam ustaldy, dep habarlaıdy Egemen.kz.

Almaty qalalyq polısııa departamentiniń málimetinshe, tártip saqshylary qarýly 38 jáne 35 jastaǵy er adamdy ustaǵan. Olardyń qarý-jaraq dúkenderin tonaýǵa qatysqany belgili boldy.

«Kúdiktilerdi Krımınaldyq polısııa basqarmasynyń qyzmetkerleri jedel-izdestirý is-sharalary barysynda Raıymbek dańǵyly men Baızaqov kóshesiniń qıylysynda ustady. Olardan qarý-jaraq dúkeninen tártipsizdik kezinde urlanǵan «SM12 steyr mannlicher austria» markaly eki ańshy myltyǵyn tárkiledi. Belgili bolǵandaı, 38 jastaǵy M.esimdi azamat jáne 35 jastaǵy R.esimdi azamat Almaty oblysynan kelgen», dep habarlady polısııadan.

Qarý men oq-dárilerdi urlaý faktisi boıynsha QR QK-niń 291-baby 3-bóligine sáıkes qylmystyq is tergelýde. Qarý tárkilendi.

Kúdiktiler qamaýǵa alyndy.

Sońǵy jańalyqtar

Uqsas jańalyqtar