Qoǵam • 18 Qańtar, 2022

Bjzq 500 myń adamdy jarylqady

61 ret kórsetildi

Qazaqstandyqtar zeınetaqy qoryndaǵy artyq aqshasyn alýdy belsendi túrde jalǵastyryp jatyr. Qazirdiń ózinde 500 myńǵa jýyq azamat bir rettik zeınetaqy tólemin alsa, sonyń basym bóligi shekti somadan asatyn qarjyny turǵyn úı jaǵdaıyn jaqsartýǵa jumsapty. Osy kúnge deıin qordan 1,3 trln teńge alynǵan.

Bir rettik tólemdi paıdalaný jarlyǵy shyqqaly beri 466 397 turǵyn zeınetaqy qorynan aqsha alsa, sonyń 209 998-i qar­jyny ıpotekasyz úı satyp alýǵa jumsaǵan. Taǵy 62 694 qazaq­standyq «Otbasy banktegi» jalpy somasy 152 mlrd teńge bolatyn zaımdaryn japqan. 39 myń adam ózge ekinshi deńgeıli bankterdegi jalpy somasy 134 mlrd teńge bolatyn ıpotekalyq qaryzdarynan qutylǵan. 23 myńnan astam azamat «Otbasy bankinen» nesıe resimdeý úshin bir rettik tólemdi alǵashqy jarna retinde quıǵan. Olardyń 82 paıyzy ekinshi naryqtan úı alýdy jón kórse, 18 paıyzy páterdi qurylys salýshylardan tikeleı satyp aldy. Tólemniń tek turǵyn úı úshin paıdalanylmaıtyny belgili. 89 480 azamat 91 mlrd teńgeni emdeý maqsatyna baǵyttaǵan.

Negizinen Nur-Sultan, Almaty qalalary men Mańǵys­taý oblysynyń halqy zeınetaqy qoryndaǵy artyq qarjymen úı satyp alý boıynsha kósh bas­taıdy. Bul múmkindikti eń az paıdalanǵan ólke – Soltústik Qazaqstan oblysy. Sondaı-aq 2021 jyldyń 16 jeltoqsany­nan beri bir rettik tólemdi «Ot­basy bank» depozıtine aýdarý múmkindigi paıda bolǵan edi. Bul múmkindikti qazirge deıin 35 myń adam paıdalanyp, 57 mlrd teńge depozıtterdi tolyq­tyrǵan.

«Zeınetaqy qarjysymen depozıtti toltyrý múmkindigi – jastardy qoldaýǵa baǵyttal­ǵan tamasha qural. Osylaısha, jumys istep júrgen jastar bas­pana úshin tezirek aqsha jınaı alady. Sosyn jınaq shotynyń merzimin esepke ala otyryp biz arqyly jyldyq 3,5-ten 5 pa­ıyzǵa deıin turǵyn úı zaımyn ala alady. Dál qazirgi sátte bul turǵyn úı jaǵdaıyn jaqsartý úshin eń qoljetimdi qural bolyp tur», deıdi «Otbasy bank» bas­qarma tóraǵasy Lázzat Ibragımova.

Sońǵy jańalyqtar

Esińde bolar ár kúniń

Qazaqstan • Keshe

Jemqorlyq statıstıkasy

Qazaqstan • Keshe

«Bir belgi úshin...»

Kıno • Keshe

Shynaıylyq

О́ner • Keshe

Balalyq shaqtyń aspany

Qoǵam • Keshe

Uqsas jańalyqtar