Koronavırýs • 18 Qańtar, 2022

Qazaqstan qosymsha Pfizer vaksınasyn satyp alady

38 ret kórsetildi

Qazaqstan revaksınasııa úshin Pfizer vaksınasyn qosymsha satyp alýdy josparlap otyr. Bul týraly densaýlyq saqtaý mınıstri Ajar Ǵınııat málimdedi, dep habarlaıdy Egemen.kz.

Ol halyqtyń barlyq toby vaksınasııa kýrsynan keıin alty aıdan soń revaksınasııa jasaıtynyn atap ótti. Aıtýynsha, birinshi jartyjyldyqta 8 mıllıonǵa jýyq adam qaıta vaksınasııalaýǵa jatady.

«Qazirgi ýaqytta halyqtyń barlyq tobyn revaksınasııalaý Sinopharm jáne QazVac vaksınalarymen júrgizilip jatyr. 60 jastan asqan egde adamdar, júkti áıelder, jas analar, medısına qyzmetkerleri úshin Pfizer qoldanylýda. Mınıstrlik revaksınasııa úshin QazVac, Sinopharm jáne Pfizer vaksınalaryn qosymsha satyp alýdy josparlap otyr», dedi Ǵınııat úkimet otyrysynda.

Sondaı-aq qańtar aıynyń sońyna deıin «Spýtnık Laıt» vaksınasynyń 150 000 dozasy jetkiziledi.




 

Sońǵy jańalyqtar

Uqsas jańalyqtar