Aımaqtar • 18 Qańtar, 2022

BQO ákiminiń orynbasary qyzmetinen bosatyldy

73 ret kórsetildi

Batys Qazaqstan oblysy ákiminiń orynbasary Amanjol Alpysbaev qyzmetinen bosatyldy, dep habarlaıdy Egemen.kz.

BQO ákiminiń baspasóz qyzmeti aımaq basshysynyń 2021 jylǵy 30 jeltoqsandaǵy ókimimen BQO ákiminiń orynbasary Amanjol Alpysbaev qyzmetinen bosatylǵanyn málimdedi. Onyń ókilettiligi memlekettik qyzmetke sáıkes kelmeıtin jumysyna baılanysty toqtatylǵan.

«Bul laýazymda Amanjol Alpysbaev 2019 jyldyń shildesinen bastap jumys istedi. Osy aralyqta óziniń jaýapty ári tájirıbeli ekenin kórsetti. El Prezıdentiniń shyǵysty ońtaılandyrýǵa, sybaılas jemqorlyq derekterin anyqtaýǵa jáne t.b. qatysty tapsyrmalaryn oryndaý boıynsha úlken jumys istedi. Ol memlekettik satyp alýdyń úsh jyldyq josparyn ázirleý kezinde taldaý jáne bıýdjet qarajatyn únemdeý, neǵurlym tıimdi jumsaý sekildi máselelermen aınalysty. Amanjol Álıhanulyna jumysy úshin alǵys bildiremiz jáne odan ári kásibı tabys tileımiz», dedi ákimdiktiń baspasóz qyzmeti ókili.

Amanjol Alpysbaev sáýlet, qala qurylysy jáne qurylys, TKSh salasyndaǵy strategııalyq josparlaý máselelerine, sondaı-aq, tarıf saıasaty, MJÁ-ni damytý, memlekettik satyp alý, tabıǵatty paıdalaný, janýarlar men ósimdikter dúnıesin qorǵaý máselelerinde jetekshilik etti.

Eske salaıyq, byltyr maýsymda ol «Memlekettik qyzmet týraly» zańdy buzdy degen kúdikke ilingen bolatyn.

Memlekettik qyzmet isteri agenttigi departamentiniń málimetinshe, Amanjol Alpysbaev memlekettik qyzmetker bola tura, «Samuryq Gıdro» JShS quryltaıshysy ári dırektory qyzmetin atqarǵan. Departament oblys ákimdigine ákim orynbasarynyń ókilettigin toqtatýy týraly usynys jiberdi. Amanjol Alpysbaevtyń ózi buǵan kelispeı, tórt ret sotqa júgindi. Sot onyń paıdasyna sheshim shyǵarǵan joq. Shaǵym kassasııalyq sotta da qabyldanbady.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar