«Qazirgi ýaqytta bizde Sputnik-V bar jáne ol revaksınalaý úshin qoldanylmaıdy. О́ıtkeni, ózderińiz biletindeı, onda eki túrli komponent bar. Revaksınalaý úshin «Spýtnık laıt» vaksınasy qoldanylady. Qazirgi ýaqytta Qazaqstanda SQ-Farmasııa qoımalaryna, ıaǵnı 4 óńirdegi dári-dármek habtaryna 150 myń doza «Spýtnık laıt» jetkizildi. Osy apta sońyna deıin vaksına kólemi óńirlerge bólinip, jetkiziletin bolady. Árıne jetkizý ýaqyty aýa raıyna da tikeleı baılanysty bolady. Osy apta sońyna deıin vaksına óńirlerge jetkizilip, revaksınalaý úshin qoljetimdi bolady dep josparlap otyrmyz», dep jaýap berdi A. Esmaǵambetova.
Spıkerdiń aıtýynsha, «Spýtnık laıt» Qazaqstanda óndirilmegen, vaksınanyń 150 myń dozasy reseılik óndirýshilen satyp alynǵan.
«Alǵashqy 150 myń doza reseılik óndirýshilen satyp alyndy, óıtkeni daıyn vaksınany satyp alyp, óńirlerge jetkizý bárinen jyldam boldy. Vaksınany óz elimizde óndirý úshin ony ákelip barlyq sertıfıkattyq jumystardy júrgizý kerek. Oǵan kóp ýaqyt jumsalar edi. «Spýtnık laıt» revaksınalaýǵa qoljetimdi bolýy úshin 150 myń dozasy satyp alyndy», dep túsindirdi Aıjan Esmaǵambetova.
