Aımaqtar • 19 Qańtar, 2022

ShQO-da respýblıkalyq joldar jabyla bastady

76 ret kórsetildi

Aýa raıy qolaısyzdylyǵyna baılanysty Qaraǵandy – Aıagóz – Buǵaz respýblıkalyq tas jolynyń ýchaskesinde qozǵalys jabyldy, dep habarlaıdy Egemen.kz Qaraǵandy oblysynyń Tótenshe jaǵdaılar departamentine silteme jasap.

Aýa raıynyń nasharlaýyna baılanysty 19 qańtarda saǵat 14:30-dan bastap Shyǵys Qazaqstan oblysynyń aýmaǵynda Qaraǵandy – Aıagóz – Buǵaz respýblıkalyq avtojolynyń ýchaskesinde (296-320 km, Eńbek aýyly – ShQO shekarasy) kóliktiń barlyq túrleri úshin qozǵalys jabyldy», dep habarlady Qaraǵandy oblysy TJD baspasóz qyzmeti.

Sondaı-aq, vedomstvo óńirde daýyldy eskertý jarııalanǵanyn habarlady.

«20 qańtarda Qaraǵandy oblysynyń soltústiginde tuman, oblystyń ońtústik-shyǵysynda tómengi burqasyn kútiledi. Qaraǵandyda 20 qańtarǵa qaraǵan túni tuman túsedi», delingen habarlamada.

Sońǵy jańalyqtar

Uqsas jańalyqtar