Aımaqtar • 19 Qańtar, 2022

Jappaı tártipsizdik kezinde joǵalǵan múliktiń qunyn kim tóleıdi?

79 ret kórsetildi

Almatyda jappaı tártipsizdik kezinde joǵalǵan múliktiń quny memlekettik bıýdjetten nemese «Kúshimiz birlikte» qorynan óteledi. Bul týraly qala ákiminiń orynbasary Ilııas О́serov aıtty, dep habarlaıdy Egemen.kz.

Ákim orynbasarynyń aıtýynsha, zalaldy óteý joǵalǵan múliktiń qunyn tóleý nemese zardap shekken adamdarǵa tıesili búlingen múlikti qalpyna keltirý jumystary arqyly júzege asyrylady. Joǵalǵan múliktiń quny memlekettik bıýdjetten nemese «Kúsh birlikte» qorynan óteledi. Sonymen qatar onyń mólsherin óńirlik jáne Qordyń komıssııasy anyqtaıdy.

«Jergilikti atqarýshy organdar men Qor qyzmetterdi kórsetý úshin baǵalaý jáne aýdıtorlyq kompanııalardyń tizbesin aldyn ala aıqyndaıdy jáne tizbeni ınternet-resýrsta ornalastyrady. Bul rette múlikke baǵalaý men aýdıt júrgizýge, smeta jasaýǵa jáne búlingen múlikti qalpyna keltirý shyǵyndaryn kalkýlıasııalaýǵa baılanysty qyzmetterge aqy tóleý ákimdikke nemese Qorǵa júkteledi», dep atap ótti Ilııas О́serov.

Kólikti aıdap áketý jaǵdaılaryna keletin bolsaq, olar 2022 jylǵy qańtardaǵy jekelegen óńirlerdegi tártipsizdikter nátıjesinde joıylyp ketken kólikterdi qospaǵanda, qylmystyq zańnama sheńberinde tergelýde.



 

Sońǵy jańalyqtar

Uqsas jańalyqtar