Aımaqtar • 19 Qańtar, 2022

Baıqońyrda terrorıstik qaýiptiń «kók» deńgeıi engizildi

26 ret kórsetildi

Baıqońyr qalasynda terrorıstik qaýiptiliktiń joǵary «kók» deńgeıi engizildi, dep habarlaıdy Egemen.kz qala ákimshiliginiń saıtyna silteme jasap.

Qala basshylyǵynyń málimetinshe, quqyq qorǵaý organdarynan terrorıstik akti qaýpi jáne onyń jasalýyna qarsy is-qımyl uıymdastyrý týraly aqparat túsken.

Osyǵan baılanysty Baıqońyr qalasynyń terrorızmge qarsy komıssııasynyń tóraǵasy, ákimdik basshysy Konstantın Býsygın Baıqońyr aýmaǵynda terrorıstik qaýiptiliktiń joǵary «kók» deńgeıin engizý týraly sheshim qabyldady. Ol 2022 jylǵy 19 qańtar saǵat 12.00-den 3 aqpan saǵat 12.00-ge deıin belgilengen. Atalǵan sheshim 15 táýlik aralyǵynda óz kúshinde bolady.

Quqyq qorǵaý organdary Baıqońyr aýmaǵynda azamattar men memleket qaýipsizdigin qamtamasyz etýge baǵyttalǵan qosymsha sharalar qabyldaýda.

Quqyq qorǵaý organdaryna kómek kórsete otyryp, olardyń talabyna túsinikpen jáne shydammen qaraý suralady.

Sońǵy jańalyqtar

Uqsas jańalyqtar