Ekonomıka • 20 Qańtar, 2022

Keshendi jospar – turaqtylyq kepili

1047 ret kórsetildi

Qazirgi tańda ınflıasııany tejep, baǵany ustap turý jergilikti atqarýshy bılik úshin mańyzy zor mindettiń birine aınaldy. Munyń ber jaǵynda koronavırýs ınfeksııasy da qaıta órship, jaǵdaıdy kúrdelendire tústi. Degenmen jedel qolǵa alynǵan sharalardyń nátıjesinde, óńirdegi áleýmettik-ekonomıkalyq jaǵdaıdy ázirge turaqty dep aıtýǵa negiz bar.

Tejemese, ınflıasııa ıilmeıdi

Qaraǵandy oblysynda ınflıasııany aýyzdyqtaý boıynsha amal-árekettiń alýan túri iske asyrylyp jatyr. Bul baǵytta turaqtandyrý qoryndaǵy ónim­der­diń ıntervensııasy, ishki na­ryq­ty otandyq azyq-túlikpen qa­nyqtyrý asa mańyzdy ról oı­naıdy. Mysaly, ekonomıka basqarmasynyń málimeti bo­ıynsha, 2021 jyldyń jeltoqsan aıynda oblystaǵy tutyný baǵalarynyń ındeksi 108,5%-dy quraǵan. Al aýyl sharýashylyǵy basqarmasynyń basshysy Asqar Sanaýbarov turaqtandyrý qo­ryn­da 291,6 tonna ónim, onyń ishinde 41,2 tonna qaraqumyq, 200,4 tonna qant jáne 50 myń lıtr kúnbaǵys maıy bar ekenin málim etti. Bul ónimderdi jáne kartop, sábiz, qyryqqabat sııaqty kókónis túrlerin qosymsha satyp alý josparda bar. Budan bólek, «Saryarqa» ÁKK-tiń kásipkerlerge jeńildikpen qaryz berýi arqyly kókónister saýda núktelerine belgilengen baǵamen jetkiziletin bolady.

Oblys ákimi Jeńis Qasymbek baǵanyń negizsiz ósýine jol bermeý boıynsha jumystyń jalǵasyn tabatynyn aıtady.

– Bizde ınflıasııalyq pro­ses­ter­di tejeý jónindegi keshendi jospar jumys isteıdi. Ol Mem­leket basshysynyń jańa tapsyrmalaryn eskere otyryp, túzetýdi jáne ózektendirýdi qajet etedi. Ishki naryqty otandyq azyq-túlik taýarlarymen tolyqtyrý ju­mystaryn jalǵastyrý qajet, – deıdi ol.

Jalpy, oblysta baǵany tu­raq­­tandyrý boıynsha memo­ran­­dýmdarǵa sáıkes aýyl­sharýa­­shy­­lyq taýar óndirýshileri turaqtandyrý qoryna 5 100 tonna kartop jáne 1 800 tonna kókónis túrin jetkizýge mindettelgen. Al jergilikti qus fabrıkalary memorandým boıynsha jumyrtqany belgilengen baǵamen saýdaǵa shy­ǵa­rady.

Áleýmettik un men nan baǵa­syn turaqtandyrý úshin astyq­tyń rezervtik qory paıdalanylady. Oblystyq kásipkerlik bas­qar­masynyń basshysy Tatıana Ablaeva qoımalarda ba­ka­­leıa ónimderiniń bir aıdan astam ýa­qyt­qa jetetin qory bar eke­nin aı­tady.

О́ńirde janar-jaǵarmaı men avtogaz tapshylyǵy joq dep se­nimdi túrde aıtýǵa bolady. So­ny­men qatar oblysta ballon gazyn satatyn fırmalarmen ba­ǵa­ny tómendetý týraly ýaǵ­da­las­tyqqa qol jetkizilgen.

41 myń turǵyn jumysqa turady

Bıyl Qaraǵandy oblysynda Ulttyq jobalar aıasynda 25 148 jumys orny qurylyp, óńirdiń 41 myń turǵyny eńbek etip, nápaqa aıyrý múmkindigine ıe bolady. Mysaly, «Jastar tájirıbesi» baǵdarlamasy boıynsha 721 túlek jumysqa ornalassa, 2 959 adam qoǵamdyq jumystarǵa tartylady degen jospar bar. Budan bólek, óńirde halyqtyń osal toptary úshin, naqty aıtqanda 300-ge tarta adamǵa arnalǵan áleý­mettik jumys oryndary qu­ry­lady. Alǵashqy jumys orny 238 úmitkerge usynylmaq.

Oblystyq jumyspen qamtý­dy úılestirý jáne áleý­mettik baǵ­darlamalar basqarmasy bas­shy­­synyń orynbasary Tóleý Muhtar nátıjeli jumys­pen qam­týdy jáne jappaı kásip­ker­likti damytýdyń «Eńbek» mem­le­kettik baǵdarlamasy boıynsha «Urpaqtar kelisimsharty» joba­sy­nyń da jumys isteı bastaıtynyn atap ótti.

– Bul – zeınetkerlik jasqa jetse de, eńbek etip júrgen qyz­met­kerdi keıinnen aýystyra oty­ryp, jumysqa ornalastyrý. Osy joba aıasynda óńirde bıyl 34 adam jumysqa ornalasady. Zeınet jasyna deıingi adamdardy jumysqa ornalastyrý úshin «Kúmis jas» jobasyn engizý 534 adamdy jumyspen qamtýǵa múm­kin­dik beredi. Sondaı-aq óńirde halyqtyń áleýmettik osal toptarynan shyqqan jastar arasynda konkýrstyq negizde granttar oınatyldy. Bul boıynsha barlyǵy 755 grant qarastyrylǵan, – dep atap ótti T.Muhtar.

Kásipkerlik belsendilikti art­­tyrý úshin 1 250 adamdy bız­nes negizderine oqytý jos­par­lan­ǵan. Olarǵa 433 mıkrokre­dıt beriletin bolady. Búgin­de elektrondy eńbek bırjasynda 4 188 bos jumys orny orna­las­ty­rylǵan.

– Bos jumys oryndaryn tańdaý úshin jumyssyz adam ózi Enbek.kz portalyna kire alady. Son­daı-aq olardyń qalalar men aýdandardyń halyqty jumyspen qamtý ortalyqtary arqyly nemese kentter men aýyldyq okrýg­terdiń ákimdikterinen bos oryn­dar týraly aqparat alýyna múm­kin­digi bar, – deıdi Tóleý Muhtar.

 

Qaraǵandy oblysy

Sońǵy jańalyqtar

Aldaǵy kúnderi aýa raıy qandaı bolady

Aýa raıy • Búgin, 11:35

Búgingi valıýta baǵamy

Qarjy • Búgin, 09:32

Elimizdiń birqatar oblysynda úsik júredi

Aýa raıy • Búgin, 09:18

Arǵymaqtar alamany

Aımaqtar • Búgin, 08:42

Azııanyń úzdigi dep tanyldy

Sport • Búgin, 08:40

Eki oıyn keıinge shegerildi

Sport • Búgin, 08:37

Jan Joandy jeńdi

Sport • Búgin, 08:34

Jeńilisten kóz ashpaı tur

Hokkeı • Búgin, 08:32

Túrik qyzdary top jardy

Sport • Búgin, 08:30

О́nerpaz órender tánti etti

Aımaqtar • Búgin, 08:25

Basty maqsat – qoǵam dertinen arylý

Ekonomıka • Búgin, 08:23

Sahna sańlaqtary qýanǵan kún

Pikir • Búgin, 08:18

О́ner adamdaryn alqalaý kerek

Pikir • Búgin, 08:15

Kásipkerliktiń áleýeti joǵary

Pikir • Búgin, 08:12

Sheshilýi kerek tórt túıtkil bar

Pikir • Búgin, 08:10

О́ńiraralyq kóshpeli kezdesý ótti

Referendým-2022 • Búgin, 08:05

Assambleıa belsene qatysady

Referendým-2022 • Búgin, 08:02

Uqsas jańalyqtar