Úkimet • 20 Qańtar, 2022

Zardap shekken kásipkerlerdiń shyǵyny qalaı óteledi?

160 ret kórsetildi

Jekelegen óńirlerdegi tártipsizdikter saldarynan keltirilgen zalaldy joıý máseleleri jónindegi Úkimettik komıssııa ShOB ókilderine keltirilgen shyǵyndy óteý tetigin bekitti, dep habarlaıdy Egemen.kz QR Premer-Mınıstriniń baspasóz qyzmetine silteme jasap.

Úkimet rezerviniń qarajaty kásipkerlik sýbektilerine tólem jasaý úshin jergilikti atqarýshy organdarǵa jiberiledi. Jyljymaıtyn, jyljymaly múlik boıynsha, sondaı-aq joǵalǵan (urlanǵan) taýarlyq-materıaldyq qundylyqtar boıynsha keltirilgen zalal óteledi.

Zaqymdalǵan jyljymaıtyn múliktiń ornyn toltyrý bekitilgen smetalyq qujattama negizinde júzege asyrylady.

Búlingen nemese joıylǵan jyljymaly múlik jáne taýarlyq-materıaldyq qundylyqtar boıynsha óteý ákimdik jáne/nemese «Kúshimiz birlikte» zardap shekken bıznesti qoldaý qory aıqyndaıtyn baǵalaý jáne aýdıtorlyq kompanııalar daıyndaǵan baǵaǵa sáıkes júrgiziletin bolady.

Joǵalǵan (urlanǵan) taýarlyq-materıaldyq qundylyqtar boıynsha óteý somasy rastaıtyn qujattardyń negizinde, al olar bolmaǵan jaǵdaıda – kásipkerlik sýbektisiniń 2021 jylǵy ortasha aılyq aınalymy túrinde aıqyndalady.

Joǵalǵan nemese búlingen múliktiń qunyn óteý úshin «InfoKazakhstan.kz» platformasynda tıisti ótinish berý kerek.

Zalaldy baǵalaýdy jáne óteletin qunnyń mólsherin aıqyndaýdy múlikke keltirilgen zııandy anyqtaý jónindegi óńirlik komıssııalar jáne «Kúshimiz birlikte» qorynyń ótinimderin qaraý jónindegi komıssııalar júrgizedi.

Kásipkerlerdiń ótinishteri 5 kúntizbelik kún ishinde qaralady, maquldanǵan jaǵdaıda tıisti qarajat ótinish berýshige aýdarylady. Kásipkerlerge bıylǵy aqpan aıynan bastap tólem jasaý josparlanǵan.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar