Qarjy • 21 Qańtar, 2022

Syrtqa qansha aqsha ketti?

156 ret kórsetildi

Qazaqstandyq jeke tulǵalar 2021 jyly aqsha aýdarymdarynyń júıesi kómegimen shet memleketterge qarjy aýdarǵan. Qańtar-qarasha aralyǵynda syrtqa jiberilgen qarjy kólemi – 921,3 mlrd teńge. Bul 2020 jyldyń sáıkes kezeńimen salystyrǵanda 29,2 paıyzǵa kóp.

Al shetelderden kelgen aqsha qara­jatynyń kólemi – 256,2 mlrd teńge. 2020 jyldyń qańtar-qarashasy araly­ǵynda kelgen aqsha kóle­minen 0,8 paıyzǵa tómen. Sonda shetke shyqqan aqsha syrttan kelgen aqsha kóleminen 4 ese kóp ekenin baıqaýǵa bolady. Qazaqstannan aýdarylǵan aqshanyń eń kóp úlesi О́zbekstanǵa (278,5 mlrd teńge) tıesili. Mundaı derekti Ranking málimdeıdi. Odan keıingi oryndarda Túrkııa (189,2 mlrd teńge), Reseı (162,1 mlrd teńge) elderi. Al Qazaqstanǵa jiberilgen aqsha kólemi turǵysynan Reseı (48,7 mlrd teńge) kósh bastaıdy. Odan keıin О́zbekstan (44,5 mlrd teńge) men Ońtústik Koreıa (36,2 mlrd teńge) orna­las­qan.

Aqshanyń syrtqa úlken qarqynmen shyǵýy asa jaqsy quby­lys emes. Qazirdiń ózinde tek jeke tulǵalardyń shekara asqan qarajatynyń kólemi 1 trln teńge mejesine taıap qal­ǵan. Dál osy máselege Pre­zı­dent Qasym-Jomart Toqaev erekshe nazar aýdaryp, kapıtal aǵynyn tejeýge tapsyrma bergen edi.

«Tótenshe jaǵdaıdyń en­gi­zi­l­­ýine baılanysty jeke­le­­­gen qarjylyq jáne ónerká­sip­­tik toptardyń kapıtalyn shetelge, onyń ishinde jalǵan mámileler jasaý arqy­ly shyǵa­rý qaýpi joǵary. Biz qazir­diń ózinde jekelegen tul­ǵa­lar­dyń shottaryndaǵy qozǵalys­tar­dy anyqtadyq. Ulttyq bankk­e Qarjy naryǵyn qada­ǵa­laý jáne monıtorıngteý agent­tikterimen birlese otyryp elden qarajatty negizsiz shyǵaryp jatqan tulǵalar men barlyq tranzaksııalarǵa naqty tekseris pen baqylaý jasaýdy tapsyramyn», degen edi Prezıdent Májilis otyrysynda.

Byltyr shetke jiberilgen qarajattyń 80 paıyzy «Zolo­taıa Korona» tólem júıesi arqyly júzege asyrylypty: 736,1 mlrd teńge. Odan keıin Contact (86,7 mlrd tg), Western Union (55,6 mlrd tg), «Iýnıstrım» (28,8 mlrd tg) jáne MoneyGram (10,2 mlrd tg) júıeleri ornalasqan.

Osy máselege oraı Memle­ket bas­shysynyń tap­syr­ma­sy­nan soń Ulttyq bank tó­r­a­ǵasy Erbolat Dosaev qa­tań qa­­daǵalaý engiziletinin ja­rııa­­lady.

«Naqty ereje buzýshylyq baıqalǵan jaǵdaıda mundaı mándegi operasııalar jedel túrde toqtatylady. Qabyl­dan­ǵan sharalar aqshany shy­ǵa­rýǵa qarsy kúrestiń úzdik álemdik tájirıbesine negizdelgen jáne KYC (know your client) qaǵıdattaryn to­ly­­ǵymen júzege asyrady. Bul transshekaralyq kapıtal aǵynynyń ashyqtyǵyn qam­­tamasyz etedi. Syrtqy eko­­no­mıkalyq qyzmetke adal qa­ty­sýshylardyń, onyń ishin­de rezıdentter men rezı­dent emesterdiń quqyq­ta­ry buzylmaıtynyn jáne halyq­ara­lyq mámile­ler­di jú­zege asy­rýda shektel­meı­ti­nin ras­ta­ǵym keledi», dedi Erbolat Dosaev.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar