Koronavırýs • 21 Qańtar, 2022

Elordalyq pedagogter koronavırýsqa qarsy revaksınadan belsendi ótýde

67 ret kórsetildi

Elordalyq mektep muǵalimderi koronavırýstyq ınfeksııaǵa qarsy revaksınasııadan ótýde, dep jazady Egemen.kz Nur-Sultan ákimdiginiń resmı saıtyna silteme jasap.

 

Pedagogter oqýshylardyń densaýlyǵyn qorǵaý úshin, sondaı-aq dástúrli oflaın formatta oqýǵa qaıta oralý úshin ekpe alýdyń mańyzdylyǵyn atap ótti.

Elordanyń barlyq egý pýnkterinde vaksınasııamen qatar halyqty COVID-19-ǵa qarsy revaksınasııalaý da júrgizilip jatyr.

Birinshi kezekte qaıta vaksınany halyqpen tikeleı jumys isteıtin mamandar alady. Olardyń qatarynda quqyq qorǵaý organdarynyń qyzmetkerleri, medısına qyzmetkerleri, muǵalimder jáne sozylmaly aýrýy bar osal toptardyń azamattary jáne t.b. bar.

«Biz búgin áriptesterimizben – bilim basqarmasynyń qyzmetkerlerimen, mektep, qosymsha bilim berý nysandarynyń, mamandandyrylǵan mektepterdiń basshylarymen revaksınasııadan ótip jatyrmyz. Biz muǵalimderdi revaksınasııadan ótýge shaqyramyz. 17 qańtardan bastap úshinshi toqsan onlaın rejımde bastaldy, biz pedagog retinde balalarymyzdyń úıde qamalyp, qashyqtan ekran arqyly bilim alǵanyn qalamaımyz. Onlaın oqytý bolǵan 1,5 jyl ishinde bilim berý sapasynyń tómendegenin baıqadyq, bul ásirese balalarymyzdyń tárbıesine áser etti. Sondyqtan balalar men ata-analardyń densaýlyǵyn qorǵaý jáne juqtyrmaý úshin muǵalimder revaksınasııadan ótedi», dedi qalalyq bilim basqarmasynyń basshysy Qasymhan Senǵazıev.

Onyń aıtýynsha, muǵalimder úshin birinshi kezekte revaksınasııadan ótý mańyzdy. О́ıtkeni densaýlyqtan bólek, bul oqý prosesine de áser etýi múmkin. Mysaly, muǵalimde koronavırýs anyqtalatyn bolsa, ol 14 kún boıy úı karantıninde bolady, bul oqý prosesine qosymsha kúsh túsiredi.


«Áriptesterimdi, muǵalimderdi, búkil qala turǵyndaryn revaksınasııadan ótýge shaqyramyn. Sońǵy kúnderi aýrýdyń qatty kúsheıip jatqanyn kórip otyrmyz. Biz muǵalimderdiń aýrýdy juqtyrmaǵanyn qalaımyz. 24 qańtarda oqýshylardyń offlaın formatta bilim alýy úshin mektepter qaıta ashylady. Bul rette 600-den astam oqýshyǵa arnalǵan mektepterde oflaın oqytý 1-4 synyp oqýshylary úshin ǵana bastalady, qalǵan balalar ata-analarynyń ótinishi boıynsha mektepke barady. Bul rette jumys júktemesi oqý ornynyń jobalyq qýatynyń 50%-nan aspaýy tıis. Búginde barlyq mektep balalardy qabyldaýǵa daıyn», dedi Qasymhan Senǵazıev.

 

Esterińizge sala keteıik, elimizde jáne elordada halyqty koronavırýsqa qarsy vaksınasııalaý naýqany 2021 jyldyń 1 aqpanynan bastaldy. №2 qalalyq emhana dırektorynyń emdeý-aldyn alý jumysy jónindegi orynbasary Maıra Ahmetova búgingi kúni osy kezeńde medısınalyq mekemede 51 myńǵa jýyq azamat vaksınasııadan ótkenin málimdedi.

«Revaksınasııa bastaldy, sonymen qatar Pfizer preparatymen 12-18 jas aralyǵyndaǵy jasóspirimderdi, 16-37 apta aralyǵyndaǵy júkti áıelderdi, sondaı-aq bosanǵannan keıingi kezeńdegi áıelderdi 41 kúnnen bastap, sol sııaqty 60 jastan asqan qart adamdardy vaksınasııalaýdy jalǵastyramyz. Birinshi kezekte medısına qyzmetkerleri, pedagogter, sozylmaly aýrýlary bar adamdar sanaty, qarttar qaıta vaksınalanady. Azamattar qandaı preparatpen revaksına alatynyn tańdaı alady. Qytaılyq, qazaqstandyq vaksınalar bar, sondaı-aq Spýtnık Laıtpen qaıta vaksınalaımyz. Emhanamyzda qyzmetkerlerdiń 90%-dan astamy revaksınadan ótti. Bul shara densaýlyqty saqtaý jáne vırýstan qorǵaný úshin qajet, sondyqtan biz barlyǵyn koronavırýsqa qarsy vaksınasııadan jáne revaksınasııadan ótýge shaqyramyz», dedi Maıra Ahmetova.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar