Parlament • 24 Qańtar, 2022

Senat múgedek jandardy yntalandyratyn zań jobalaryn qaraıdy

273 ret

kórsetildi

1 mın

oqý úshin

Senat spıkeri Máýlen Áshimbaevtyń tóraǵalyǵymen palata bıýrosynyń otyrysy ótti. Onda 2022 jyldyń 27 qańtarynda ótetin Senat otyrysynyń kún tártibi bekitildi, dep habarlaıdy Egemen.kz.

Gaýhar QAPASh

Senat múgedek jandardy yntalandyratyn zań jobalaryn qaraıdy

Aldaǵy palata otyrysynda depýtattar senator Beıbit Isabaevtyń ant berýi týraly máseleni qaraıdy.

Sonymen qatar beısenbide «Qazaqstan Respýblıkasynyń keıbir konstıtýsııalyq zańdaryna ózgerister men tolyqtyrýlar engizý týraly» Konstıtýsııalyq zań jobasy jáne «Qazaqstan Respýblıkasynyń keıbir zańnamalyq aktilerine ózgerister engizý týraly» zań jobasy qaralady. Bul zań jobalary múgedek adamdardyń qoǵamdyq-saıası prosesterge qatysýyn yntalandyrý máselelerin de qamtıdy.

Sondaı-aq bıýro otyrysy kezinde Májilisten kelip túsken birqatar zań jobasy salalyq komıtetterge bólinip berildi. Olardyń qatarynda «2014 jylǵy 29 mamyrdaǵy Eýrazııalyq ekonomıkalyq odaq týraly shartqa (Eýrazııalyq ekonomıkalyq odaqtyń ortaq elektr energetıkalyq naryǵyn qalyptastyrý bóliginde) ózgerister engizý týraly hattamany ratıfıkasııalaý týraly» zań jobasy da bar.