Infografıkany jasaǵan Amangeldi QIIаS, «EQ»
Ulttyq bank dereginshe, 2021 jyldyń qyrkúıek aıyndaǵy jaǵdaı boıynsha Qazaqstanda 12,5 myń bankomat bar. Bir jylda qurylǵylar sany beseýge azaıǵan. Al sońǵy bes jylda 2,8 myń danaǵa nemese 29,3 paıyzǵa kóbeıgen. Bul rette, bes jyl buryn Cash-In fýnksııasy bar bankomattar úlesi nebári 16,4 paıyzdy qurasa, 2021 jyldyń qyrkúıeginde 45,5 paıyzǵa (5,7 myń) jetken.
Finprom-nyń jazýynsha, bankomattardyń basym bóligi Almaty qalasynda (2,4 myń) ornalassa, 1 myń bankomat elordada, taǵy 1 myńy Qaraǵandy oblysynda jáne Túrkistan oblysy men Shymkentte de osynshama qarajat qurylǵysy bar eken. 2022 jyldyń 18 qańtaryndaǵy ekinshi deńgeıli bankterdiń saıtyndaǵy resmı aqparǵa súıensek, eldegi bankomattar júıesinde 10,1 myń dana bankomat bar. Bankomattar kóptigi boıynsha Halyk Bank (3,7 myń) kósh bastasa, odan keıingi oryndarda Kaspi bank (2 myń) pen Jusan (979) tur.
«Atameken» ulttyq kásipkerler palatasynyń deregi boıynsha, el aýmaǵynda 1 823 bıznes sýbektisi zardap shekse, sonyń 1 573-i Almatyda ornalasqan. Jappaı ereýil kezinde qarjy sektoryndaǵy 86 sýbekti de búlingen. Qarjy naryǵyn retteý jáne damytý agenttigi aldyn ala eseptelgen shyǵyn kólemi 4,1 mlrd teńge ekenin aıtady. Sonyń 1,6 mlrd teńgesi – bankomattardyń búlinýi jáne odan qarjy urlanýynan bolǵan shyǵyn. Zalal kelgen bankomattardan buzaqylar 507 mln teńgeni urlap ketipti. Jıyntyq shyǵyn somasynyń 99 paıyzy Almatyǵa tıesili.
