Ulystyń uly kúni Samarqannyń kók tasy da erıdi desedi. «Jan jylýy» da naýryzdyń kúni sekildi qatqan júrekterdi jibitti. Ulystyń uly kúni qar astynan báısheshek gúl qyltııady. «Jan jylýy» da sol gúl sekildi janǵa jylylyq, qushtarlyq syılaıdy. Endeshe, «Jan jylýynyń» qaıyrymdylyq konserti Naýryzdyń qarsańynda atalyp ótýiniń máni zor. Sebebi, Ulystyń uly kúni – adamdardy tatýlastyratyn, qaıyrymdylyq jasaıtyn, kómekke muqtaj jandarǵa qol ushyn beretin ulyq mereke.
«Qazaqstan» ulttyq arnasyndaǵy talaı jannyń ómirge qushtarlyǵyn oıatyp, júrekterge jylý syılaǵan «Jan jylýy» baǵdarlamasynyń efırge shyqqanyna bıyl bes jyl. Osyǵan oraı Astanadaǵy «Qazaqstan» ortalyq konsert zalynda «Qazaqstan» ulttyq arnasy qaıyrymdylyq keshin uıymdastyrdy. Konsertke baǵdarlamanyń arqasynda ómiri úlken ózgeristerge ushyrap, kórermenniń kóp kómegin kórgen keıipkerler de shaqyrylypty. Kesh barysynda olardyń kúrdeli taǵdyrynan syr shertetin beınekórinister kórsetildi.
«Bes jyldyń ishinde «Jan jylýy» efırge shyǵarǵan keıipkerlerdiń basym bóligi búginde múldem ózgergen. Aıtalyq, Dıdar Qaıypov qaıyrymdy, júreginde izgilik shýaǵy mol jandardyń kómegimen emdelýge 7 myń AQSh dollaryn jınap qana qoımaı, Almaty oblysy ákimdigi tarapynan baspanaǵa qol jetkizip, memlekettik tegin protezge ıe boldy. Búginde Dıdar aıaqqa turyp, tipti úılenýge de talpynys jasap jatqanǵa uqsaıdy. Sondaı-aq, mort syný ber jaǵy, súıekteri bordaı úgitilip bara jatqan úsh jasar Arýjan men 10 jastan endi ǵana asqan Ramazan syndy qos muńlyq ta jaryq dúnıede qalýǵa degen úmittiń sońǵy sáýlesin osy «Jan jylýynan» izdep kelgen edi. Ata-analary, tipti qolyna ustap, baýyryna basýǵa qorqatyn halge jetken Arýjan men «tym qurysa ózi otyrsa ǵoı» dep armandaıtyn Ramazandy baǵdarlamadan kórgen jurt eriksiz egilip qana qoımaı, qoldarynan kelgenshe qarajat jınap bergen. Nátıjesinde, taǵdyry egiz ekeý de Máskeýge baryp emdelip, ózdiginen otyryp, tipti Arýjan júre alatyn da halge jetip otyr. Aıta ketý kerek, Arýjanǵa kómek qolyn sozǵan «Jas Otan» jastar qanaty. Olar qaıyrymdylyq konsertin uıymdastyryp, alty mıllıon teńge qarajat jınap bergen. Al Astana qalasy ákimdigi Ramazanǵa eki bólmeli páter syılaǵan. Qazir ol úıden bolsa da sabaq oqyp júr. Budan bólek, kezinde anasy balalar úıine óz qolymen tapsyrǵan Asqar Imanqulov 9 jasqa tolǵanda «Jan jylýy» arqyly Saryaǵashtan ózine meıirimdi ata-ana tapty. Rasynda, osy bes jylda qanshama adamdardyń keýdesine úmit dánin seýip, ómirge qushtarlyǵyn arttyrsa, jeke ózime densaýlyq pen ómirdiń qadirin túsinýdi úıretti», deıdi «Jan jylýy» baǵdarlamasynyń prodıýseri, júrgizýshisi Aqbaıan Saparbaeva.
Shynymen, bul konsert ózgelerden ózgesherek bolǵany daýsyz. Onyń júrgizýshileri de erekshe, olar – qolarbaǵa tanylsa da memlekettik qyzmetpen birge telearna júrgizýshiligin qatar alyp júrgen jigerli jigit Ardaq Otarbaev pen Almaty oblystyq №1 balalar úıiniń tárbıelenýshisi Samat Andreev. Al olardyń qasynda «Qazaqstan» ulttyq telearnasynyń prodıýseri, telejýrnalıst Ertaı Núsipjanov pen «Jan jylýy» baǵdarlamasynyń júrgizýshisi Aqbaıan Saparbaeva boldy. Keshke sondaı-aq, Dosymjan Tańatarov, Gúlnur Orazymbetova, Baqyt Shadaeva, Ardaq Balajanova, Jańabaı О́tegenuly, Maıra Ilııasova syndy qazaq estrada juldyzdarymen qatar múmkindigi shekteýli jandardan quralǵan «Qolarbadaǵy bıshiler» toby men «Shashý» otbasylyq ansambli de óner kórsetti. Al konsertten túsken qarjymen abaısyzda margansovka untaǵyn jutyp qoıyp, óńeshi kúıip qalǵan tórt jasar almatylyq Áset Jıenbekovke kómek kórsetilmek.
Dınara BITIKOVA,
«Egemen Qazaqstan».
Sýretti túsirgen
Erlan Omarov,
«Egemen Qazaqstan».
«Qazaqstan» ulttyq arnasyndaǵy talaı jannyń ómirge qushtarlyǵyn oıatyp, júrekterge jylý syılaǵan «Jan jylýy» baǵdarlamasynyń efırge shyqqanyna bıyl bes jyl. Osyǵan oraı Astanadaǵy «Qazaqstan» ortalyq konsert zalynda «Qazaqstan» ulttyq arnasy qaıyrymdylyq keshin uıymdastyrdy. Konsertke baǵdarlamanyń arqasynda ómiri úlken ózgeristerge ushyrap, kórermenniń kóp kómegin kórgen keıipkerler de shaqyrylypty. Kesh barysynda olardyń kúrdeli taǵdyrynan syr shertetin beınekórinister kórsetildi.
«Bes jyldyń ishinde «Jan jylýy» efırge shyǵarǵan keıipkerlerdiń basym bóligi búginde múldem ózgergen. Aıtalyq, Dıdar Qaıypov qaıyrymdy, júreginde izgilik shýaǵy mol jandardyń kómegimen emdelýge 7 myń AQSh dollaryn jınap qana qoımaı, Almaty oblysy ákimdigi tarapynan baspanaǵa qol jetkizip, memlekettik tegin protezge ıe boldy. Búginde Dıdar aıaqqa turyp, tipti úılenýge de talpynys jasap jatqanǵa uqsaıdy. Sondaı-aq, mort syný ber jaǵy, súıekteri bordaı úgitilip bara jatqan úsh jasar Arýjan men 10 jastan endi ǵana asqan Ramazan syndy qos muńlyq ta jaryq dúnıede qalýǵa degen úmittiń sońǵy sáýlesin osy «Jan jylýynan» izdep kelgen edi. Ata-analary, tipti qolyna ustap, baýyryna basýǵa qorqatyn halge jetken Arýjan men «tym qurysa ózi otyrsa ǵoı» dep armandaıtyn Ramazandy baǵdarlamadan kórgen jurt eriksiz egilip qana qoımaı, qoldarynan kelgenshe qarajat jınap bergen. Nátıjesinde, taǵdyry egiz ekeý de Máskeýge baryp emdelip, ózdiginen otyryp, tipti Arýjan júre alatyn da halge jetip otyr. Aıta ketý kerek, Arýjanǵa kómek qolyn sozǵan «Jas Otan» jastar qanaty. Olar qaıyrymdylyq konsertin uıymdastyryp, alty mıllıon teńge qarajat jınap bergen. Al Astana qalasy ákimdigi Ramazanǵa eki bólmeli páter syılaǵan. Qazir ol úıden bolsa da sabaq oqyp júr. Budan bólek, kezinde anasy balalar úıine óz qolymen tapsyrǵan Asqar Imanqulov 9 jasqa tolǵanda «Jan jylýy» arqyly Saryaǵashtan ózine meıirimdi ata-ana tapty. Rasynda, osy bes jylda qanshama adamdardyń keýdesine úmit dánin seýip, ómirge qushtarlyǵyn arttyrsa, jeke ózime densaýlyq pen ómirdiń qadirin túsinýdi úıretti», deıdi «Jan jylýy» baǵdarlamasynyń prodıýseri, júrgizýshisi Aqbaıan Saparbaeva.
Shynymen, bul konsert ózgelerden ózgesherek bolǵany daýsyz. Onyń júrgizýshileri de erekshe, olar – qolarbaǵa tanylsa da memlekettik qyzmetpen birge telearna júrgizýshiligin qatar alyp júrgen jigerli jigit Ardaq Otarbaev pen Almaty oblystyq №1 balalar úıiniń tárbıelenýshisi Samat Andreev. Al olardyń qasynda «Qazaqstan» ulttyq telearnasynyń prodıýseri, telejýrnalıst Ertaı Núsipjanov pen «Jan jylýy» baǵdarlamasynyń júrgizýshisi Aqbaıan Saparbaeva boldy. Keshke sondaı-aq, Dosymjan Tańatarov, Gúlnur Orazymbetova, Baqyt Shadaeva, Ardaq Balajanova, Jańabaı О́tegenuly, Maıra Ilııasova syndy qazaq estrada juldyzdarymen qatar múmkindigi shekteýli jandardan quralǵan «Qolarbadaǵy bıshiler» toby men «Shashý» otbasylyq ansambli de óner kórsetti. Al konsertten túsken qarjymen abaısyzda margansovka untaǵyn jutyp qoıyp, óńeshi kúıip qalǵan tórt jasar almatylyq Áset Jıenbekovke kómek kórsetilmek.
Dınara BITIKOVA,
«Egemen Qazaqstan».
Sýretti túsirgen
Erlan Omarov,
«Egemen Qazaqstan».
