Qoǵam • 25 Qańtar, 2022

Eljan Birtanov halyqty sot otyrysyna qatysýǵa shaqyrdy

353 ret kórsetildi

Burynǵy Densaýlyq saqtaý mınıstri Eljan Birtanov óziniń kinásizdigine sengen jáne qoldaý bildirgen azamattarǵa alǵysyn bildirdi, dep habarlaıdy Egemen.kz.

«Zańsyz jáne birjaqty qylmystyq tergeý barysynda maǵan kórsetken shynaıy qoldaýlaryńyz úshin barlyqtaryńyzǵa ózimniń jáne otbasymnyń atynan alǵysymdy bildiremin.

Meniń kinásizdigime degen senimderińiz maǵan óte mańyzdy. Osy ýaqyt boıy advokattarymmen birge kinásizdigimizdi dáleldeýge tyrystyq. Biraq bizdiń barlyq ýájderimizdi tergeý organy, qadaǵalaý prokýrorlary jáne tergeý sottary eleýsiz qaldyrdy», dep jazdy Eljan Birtanov áleýmettik jelide. 

E. Birtanov pen onyń orynbasary O. Ábishev Densaýlyq saqtaý mınıstrliginiń Aqparattandyrý platformasyn qabyldaý jáne paıdalanýǵa berý arqyly laýazymdyq ókilettikterin asyra paıdalandy degen kúdikke ilingen edi. Osy iske baılanysty erteń, 2022 jyldyń 26 ​​qańtarynda saǵat 14:30-da kezekti sot otyrysy bastalady. Burynǵy mınıstr bul joly zańdy ári ádil nátıjege qoljetkizetinine senimdi. 

«Qurmetti dostar, sizder ashyq rejımde ótetin barlyq sot otyrystaryna qatysa alasyzdar. Sol kezde meniń eshqandaı jemqorlyqqa barmaǵanyma kózderińiz jetedi», dedi ol.

Sońǵy jańalyqtar

Uqsas jańalyqtar