Sharaına
Malaızııa avıakompanııasynyń «Boıng-777» jolaýshylar ushaǵynyń baılanys júıesin qolmen óshirip tastaǵan. Bul jóninde keshe «Reıter» aqparat agenttigi habarlady. Malaızııa qorǵanys mınıstri jáne kólik mınıstriniń mindetin atqarýshy H.Hýsseınniń málimdeýinshe, ushaqtyń baılanys júıesi ushyp shyqqannan keıin 40 mınýt ótkende borttaǵy bireýler arqyly óshirilgen sııaqty. Hýsseın, sondaı-aq ushaqtar men dıspetcherler arasyndaǵy sońǵy sózder baılanys júıesi óshirilgennen keıin bolǵanyn aıtady. Bortynda 239 adam bar ushaq radardan 8 naýryzda joǵalyp ketken edi. Qazirgi kezde ushaqtyń qaıda ketkeni nemese qaıda qonǵany jóninde naqty derek joq. Operasııa sátti júzege asyryldy
AQSh teńiz kúshteriniń arnaıy maqsattaǵy áskerıleri Lıvııanyń Es-Sıdr portynan «qashyp shyqqan» tıelgen munaı bar «Mornıng Glorı» tankerin basyp aldy.
AQSh qorǵanys mınıstrliginiń málimdeýinshe, operasııa keshe erteńgisin Kıprdiń ońtústik-shyǵysyndaǵy halyqaralyq sýda júzege asyrylǵan. Operasııa kezinde eshkim zardap shekpegen. Al operasııa Lıvııa men Kıpr úkimetteriniń ótinishi boıynsha júzege asyrylypty.
«Saqtansań – saqtaıdy» degen osy
Chılıde sýnamı qaýip-qaterine baılanysty 100 myńnan astam adam qaýipsiz jerge kóshirildi. Eldiń tótenshe jaǵdaılar jónindegi ulttyq basqarmasy ókiliniń habarlaýyna qaraǵanda, mundaı shuǵyl shara jer silkinisi qaýpine baılanysty týyndap otyr.
Osynyń aldynda Chılı jaǵalaýynda 7 baldyq zilzala tirkelgen bolatyn. Zilzalanyń epısentri Ikık qalasynan 60 shaqyrymdaı qashyqtyqta bolǵan. Bir jaqsysy, sýnamı qateri tónbedi. Aıta keteıik, 2010 jyly osy elde qýaty 8,8 baldyq zilzala saldarynan 550-den astam adam opat bolyp, 220 myńdaı ǵımarat qıraǵan edi.
Mıtıngke shyqqan 30 adam ustaldy
Bishkekte Qyrǵyzstannyń Joǵarǵy soty ǵımaratynyń mańynda tutqyndalǵan el parlamentiniń burynǵy spıkeri Ahmatbek Keldibekovti qoldaý mıtıngisi ótti.
Aksııaǵa qatysýshylar bultartpaý sharalaryn ózgertýdi talap etip, saıasatkerdi saıası qýdalaǵany úshin bılikti aıyptady. Birinshi maı aýdandyq IIB qyzmetkerleri sanksııalanbaǵan mıtıngke qatysqan 30-ǵa jýyq adamdy ustady. Olarǵa sheshimdi sot shyǵaratyn bolady.
Eske sala keteıik, «Ata Jurt» oppozısııalyq fraksııasynyń depýtaty Ahmatbek Keldibekov 2013 jylǵy qarashadan bastap memlekettik UQK tergeý oqshaýlaǵyshynda qamaýda jatyr. Ol sybaılas jemqorlyq pen basqa da quqyq buzýshylyqtary úshin aıyptalǵan. Prokýratýra derekteri boıynsha, A.Keldibekov memleketke somasy 40 mln. som kóleminde zııan keltirgen.
El konstıtýsııasyna túzetýler engiziledi
О́zbekstan el konstıtýsııasyna túzetýler engizý arqyly prezıdent ókilettiginiń bir bóligin úkimet basshysyna berýge jáne parlamenttiń ókilettigin keńeıtýge ázirlenýde.
Bul túzetýler aldymen zań shyǵarýshy organnyń tómengi palatasynda qaralady. Parlament saıtynyń habarlaýynsha, túzetýler el prezıdenti Islam Karımovtyń bastamasy boıynsha engizilgeli otyr. Qujat jobasynda túzetýler negizinen konstıtýsııanyń 78, 93, 98, 103 jáne 117-baptaryna qatysty bolmaq.
108 mıllıon fýnt utyp aldy
Jaqynda Ulybrıtanııa halqy «Eýromıllıon» lotereıasynyń djekpot oıynyna kýá boldy. Onyń kólemi 107,9 mıllıon fýntty quraıdy. Bul aqsha tek bir bıletti satyp alýshyǵa ǵana tıesili bolady.
Mıllıoner atanýshy 6, 24, 25, 27, 5 jáne 9 sandaryn dál tapqan eken. Biraq ol áli utysqa ıe bolǵan lotereıasyn tıisti mekemege kórsetpepti. Onyń qaı qalanyń turǵyny ekeni de belgisiz bolyp otyr.
163 mıllıard dollar baǵyttamaq
Qytaı 2014 jyly el ekonomıkasyn damytýǵa 1 trıllıon ıýanǵa jýyq (163 mıllıard dollar) ınvestısııa baǵyttaýy yqtımal. Bul ınvestısııa kóptegen salalardy qamtymaq.
Ýrbanızasııa eldiń ekonomıkalyq ósimin qoldaý ádisiniń biri bolyp tabylady. Jospar boıynsha ol 7,5 paıyzǵa jetýi tıis. Atalǵan sharalardyń barlyǵy qarjy-nesıe saıasatyn qatańdatyp, ekologııalyq qaýipsizdikti qamtamasyz etý úshin qoldanylady. Búginde Qytaıda ondaǵan mıllıon adam kóship-qonyp júr. Olardyń basym kópshiligi aýyldyq jerlerden qalalarǵa jumys izdep kelgender. Pekın 2020 jyldarǵa qaraı qalada turatyn adamdar sany 60 paıyzǵa jetedi dep esepteýde.
Internet materıaldary negizinde ázirlendi.
