Tyń taǵylymy

Elordadaǵy Ulttyq akademııalyq kitaphanada Qazaqstan Respýblıkasy Prezıdentiniń muraǵaty, Mádenıet mınıstrligi men Ulttyq akademııalyq kitaphana birlese daıyndaǵan «Tyńǵa – 60 jyl» atty derekti-kitaptyq kórmeniń tusaýkeseri ótti. «Tyń» degen sóz aǵa býyn ókilderiniń jadynda eńbek batyrlyǵy, jigerlilik, patrıottyq jáne joǵary azamattyq degen uǵymdarmen sıpattalady. Qazaq­ jerine Keńes Odaǵynyń ár buryshynan kelgen júzdegen tyń ıgerýshiler adam tózbeıtin jumystar jasap, Qazaqstanda qysqa ýaqyt aralyǵynda úlken nan ónimi óndirildi, júzdegen jańa sovhozdar salynyp, olar bul eńbek synaǵynan abyroımen óte aldy. Qazaqstan Respýblıkasynyń Prezıdenti Nursultan Nazarbaev Astana qalasynda 2004 jyldyń aqpanynda tyń jáne tyńaıǵan jerdi ıgerýdiń 50 jyldyǵyna arnalǵan saltanatty jıynda sóılegen sózinde «Sol jyldar, Qazaqstandy úlken agrarlyq ólke, astyq qoımasyna aınaldyrdy. Berekelik pen molshylyqtyń sarqylmas kózine aınalǵan al­tyn masaq – bizdiń abyroıly ómir­baıa­ny­myz bolyp tabylady», dep atap ótti. Búgingi tańda sol erlik ýaqyttar tarıhqa ulasýda. Bul jaıly endi tek qana muraǵattardan jáne qatary azaıyp bara jatqan alǵashqy tyń ıgerýshilerdiń estelik­terinen ǵana bile alamyz. Tyń týraly qujattar tek qana «batyrlyqty», joǵary ónim tý­ra­ly partııa komıtetteriniń qýanar­lyqtaı esepteri emes. Bul tyń aımaqtaryndaǵy ekologııalyq apat­tylyqtyń shegine jetýi, land­shafty dalanyń joıylýy, eginjaıdyń lastanýy, topyraqtyń jel erozııasyna shaldyǵýy, agro­tehnıkanyń saqtalmaýy, tyń dáýirnamasyn uıymdastyrýdaǵy salmaqty qatelikter men jańylys esepteýlerdiń jiberilgeniniń kýási. Tyń jáne tyńaıǵan jerlerdi ıgerý birneshe urpaqtyń ómir tirshiliginde asa zor ról atqardy jáne Qazaqstan tarıhynda aıryq­sha áserli boldy. Alty bólimnen turatyn kórmede Qazaqstan Prezıdenti muraǵatynda saqtalǵan Qazaqstandaǵy tyń já­ne tyńaıǵan jerlerdi ıgerýdiń ne­g­izgi kezeńderin beıneleıtin ana­ǵurlym qyzyqty muraǵat ma­­te­rıaldary men qujattary usy­nyldy. Oqyrmandar bul ma­te­rıaldardyń kóbin alǵash ret kórm­ekshi. Kórmede qujattarmen birge Ulttyq akademııalyq kitap­hana qorynan alynǵan osy taqy­rypt­y qamtıtyn kitaptar, gazet-jýrnaldarmen de tanysýǵa bola­dy. Tusaýkeserde Prezıdent Mu­r­­a­­ǵa­tynyń dırektory, tehnı­ka ǵy­lymdarynyń doktory, pro­fes­­sor Borıs Japarov pen QR UAK bas dırektorynyń oryn­ba­sary J.Shaımuhanbetova sóz sóı­ledi. Aýdıtorııa tyńnyń bas qaharmandary – alǵashqy tyń ıgerýshiler V.Malojavyı, V.Kazak, M.Golberh, A.Karelına, V.Mol­chanova, F.Shkýrko, V.Chernenok jáne tyńǵa kitaphanashy retinde kel­gen I.Daragandy quttyqtap qar­sy aldy. Alǵashqy tyń ıgerý­shiler ózderiniń daǵdyly jumys kúnderin, jastyq shaqtaryn eske alyp, óz ómirlerindegi kitaptyń úlken rólin atap aıtty. «Biz tyńǵa jol tartqan shaǵyn shamadanda kitap árqashanda boldy. Biz kitap oqýdy súıetin edik. Ádebıet tyńǵa tasqyn bop quıyldy. Bizge belgili jazýshylar Sábıt Muqanov, Muhtar Áýezov arnaıy kelgen edi», dep áńgimeledi M.Golberh. Qorytyndysynda 1955 jyly túsirilgen tyń týraly derekti fılm kórsetildi. Sondaı-aq, tusaýkeserge Pre­zı­dent Ákimshiliginiń qyzmetkerleri, Parlament depýtattary, mınıstr­likter men vedomstvolar ókil­deri, belgili qoǵam já­ne memle­ket qaıratkerleri, eń­bek jáne so­ǵys ardagerleri, al­ǵashqy tyń ıge­rýshiler, ǵalym­dar, tarıh­shy­lar, muraǵat, murajaı jáne kitaphana qyzmetiniń basshy­lary qatysty. Berik SADYR, «Egemen Qazaqstan». Sýretti túsirgen Erlan OMAROV, «Egemen Qazaqstan».