Kollajdy jasaǵan Qonysbaı ShEJIMBAI, «EQ»
Sondaı-aq óńirde 190 júkti áıel koronovırýs juqtyryp, 30-y aýrýhanaǵa túsken. Dárigerler bıyl balalar men júkti áıelderdiń indet juqtyrý qaýpi joǵary deıdi. Salystyrmaly túrde aıta ketsek, 2022 jyldyń 10 qańtaryndaǵy jaǵdaı boıynsha 54 bala men 7 júkti áıelden Covid-19 anyqtalǵan.
Balasy naýqastanyp jatqan ata-analardyń biri óz ulynyń qaýipti indetti qoǵamdyq kólikte juqtyryp alýy múmkin ekenin aıtyp otyr. Aıtsa aıtqandaı-aq, ásirese avtobýstaǵylardyń alańǵasarlyǵy alańdatady. Birinshiden, qoǵamdyq kólikte betperde taǵý máselesi baqylanbaıdy. Qoǵamdyq kólikke otyra qalsańyz, maska taqqan 4-5 adamdy ǵana kóresiz, qalǵan jurt – jaıbaraqat. Tipti júrgizýshilerdiń ózderi birazdan beri betperde taǵýdy umyta bastady. Ekinshiden, qala ishinde júretin avtobýstardyń teń jartysy eski, esigi durys jabylmaıdy. Qańtardyń qaqaǵan aıazynda sańylaýdan soqqan sýyqtan salonnyń ishi tońazytqyshqa aınalyp, jolaýshy dittegen jerine dirdektep jetedi. Avtobýstaǵy tártip baqylaýǵa alynbasa, tumaý tıip, qyzýy kóterilip, jótelge býlyqqandardyń sany azaıatyn emes.
Epıdemııalyq jaǵdaıdyń kúrdelene túsýin «omıkron» shtamynyń órshýimen baılanystyrǵan óńirdiń bas sanıtarlyq dárigeri oblysta revaksınalaýdy keshiktirmeı iske asyrýdyń mańyzdy ekenin eskertti.
Taıaýda óńirge «Spýtnık laıt» vaksınasynyń 5 myń dozasy jetkizildi. Jańa preparat qazir oblystaǵy barlyq emdeý mekemelerine taratylyp jatyr.
Qostanaı oblysy
