«Qurmetti otandastar! El Prezıdenti jarııa etken «Halyq únine qulaq asatyn memlekettiń» negizgi qaǵıdattaryn iske asyrýdyń mańyzdylyǵyn nazarǵa ala otyryp, Densaýlyq saqtaý mınıstrligi azamattardyń saýaldary boıynsha barynsha jiti jáne jedel den qoıýǵa, adamdardyń ómiri men densaýlyǵyn saqtaý jónindegi áleýmettik saıasattyń basym mindetterin iske asyrýǵa barynsha kúsh-jiger jumsaıdy. Osyǵan baılanysty, jumysta ashyqtyq pen jarııalylyqty ustana otyryp, qazaqstandyqtardyń múddelerin birinshi orynǵa qoıa otyryp, sizderge bıýrokratııasyz qarapaıym azamattardyń, qoǵamshyldardyń qatysýymen ashyq dıalog qurýǵa qoldaý kórsetýge shaqyramyz. Densaýlyq saqtaý júıesin jaqsartý maqsatynda uıymdastyrylǵan «100 kún - 100 suraq» birlesken jobasynyń bastalǵany týraly habarlaımyz», dep jazdy Ajar Ǵınııat Facebook paraqshasynda.
Medısınalyq kómektiń sapasyn jáne densaýlyq saqtaýdyń basqa da aspektilerin jaqsartý týraly usynystardy tómendegi áleýmettik jelilerdegi akkaýnttarǵa jáne elektrondyq poshtaǵa jiberýge bolady:
100dnei100voprosov@mail.kz.
https://www.gov.kz/memleket/entities/dsm?lang=ru
https://instagram.com/healthcare.gov.kz?utm_medium=copy_link
