Uly kobzarǵa arnaldy

Astanadaǵy Oqýshylar saraıynda ýkraınnyń «Obereg» etno-mádenı ortalyǵynyń uıymdastyrýymen ýkraın halqynyń uly aqyny, sýretshisi jáne etnografy Taras Shevchenkonyń shyǵarmashylyǵyna arnalǵan kesh boldy. Uly kobzardyń týǵanyna 200 jyl tolýy qurmetine ótkizilgen bul shara ádebı-mýzykalyq kompozısııa túrinde qanat jaıdy. Taras Shevchenko taǵdyrdyń aıdaýymen óz ómiriniń eleýli bir kezeńin qazaq jerinde ótkizdi. Aral aımaǵynan Mańǵystaý túbegine deıingi mekende birneshe jyl ómir súrgen onyń júzdegen týyndysy osy kezeńde týyndady. Olardyń arasynda kóptegen ónegeli óleńderi men syrshyl sýretteri bar. Shynaıylyǵy men tazalyǵy sol qalpynda saqtalǵan bul shyǵarmalar áli kúnge deıin óz oqyrmandary men kórermenderiniń júrekterin dúr silkindirip keledi. Keshte osy jaıynda «Obereg» qoǵamdyq birlestiginiń jetekshisi Tamara Shırmer keńinen áń­gimelep berdi. Ol sonymen birge, eki halyqtyń arasyna sol kezderden bastap salynǵan altyn kópirdiń ýaqyt uzaǵan saıyn áleýettenip kele jatqanyn tilge tıek etti. – Taras Shevchenko qonaqjaı da baýyrmal qazaq halqyn óte jaq­sy kórip, osy ólkeniń óskeleń ur­paǵyna kóptegen óleńderi men ánderin arnady, – dedi ol. – О́z keze­ginde qazir ýkraın halqy da Taras Grıgorevıchke kezinde zor qamqorlyq jasaǵany úshin qazaq jurtyna úlken alǵys sezimderin bildirip keledi. Keshti uıymdastyrýshylar bıyl uly kobzarǵa arnalǵan bir ǵana kesh uıymdastyrylǵanyn, al aldaǵy jyly olardyń qatary eselep artatynyn atap ótti. Murat AITQOJA. Sýretti túsirgen Erlan OMAROV.