Álem • 26 Qańtar, 2022

SpaceX zymyrany Aıǵa soǵylýy múmkin

102 ret kórsetildi

Astronomdar ǵaryshta jeti jylǵa jýyq qalyqtaǵan SpaceX zymyrany baqylaýdy joǵaltyp, Aımen soqtyǵysý jolynda ekenin anyqtady, dep habarlaıdy Egemen.kz Daily Mail-ge silteme jasap.

Falcon 9 zymyran tasyǵyshy Florıdadan 2015 jyldyń aqpan aıynda AQSh-tyń Ulttyq Muhıttyq jáne atmosferalyq basqarmasyna aýa raıy spýtnıgin jiberý mıssııasy aıasynda ushyryldy. Alaıda, uzaq ýaqyt boıy janǵan qozǵaltqyshtardyń biri isten shyǵyp ketkeni anyqtaldy.

«Mundaı jaǵdaıda zymyrandy Jerdiń atmosferasyna qaıtarý úshin otyn jetkiliksiz, oǵan qosa, Jer - Aı júıesiniń aýyrlyq aımaǵyna túsý úshin energııa da jetispedi. Sondyqtan, 2015 jyldyń aqpan aıynan bastap zymyran birshama retsiz traektorııamen qozǵalyp keledi», dep túsindirdi meteorolog Erık Berger.

Jerge jaqyn denelerdi, asteroıdtardy, kishi planetalar men kometalardy baqylaý baǵdarlamalyq jasaqtamasyn jazǵan maman Bıll Greı Falcon 9 zymyranynyń satysy 4 naýryzda aıdyń artyna jetýi múmkin deıdi.

«Meniń bilýimshe, bul Aıǵa ǵarysh qoqysynyń baıqaýsyzda qulaýynyń alǵashqy jaǵdaıy», dep qosty Greı.

Osyǵan qaramastan, basqa sarapshylar soqtyǵysý ǵylym úshin qundy málimetter bere alady dep sanaıdy. Meteorolog Erık Berger bul oqıǵa «zymyrannyń soqqysy nátıjesinde laqtyrylǵan jer asty materıalyn» baıqaýǵa múmkindik beretinine senimdi.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar