Parlament • 27 Qańtar, 2022

Senat memlekettik bastamalardy Elbasymen kelisý qajettiginiń kúshin joıýdy usyndy

996 ret kórsetildi

Senatorlar memlekettik bastamalardy Elbasymen kelisý qajettiligin joıýdy usyndy, dep habarlaıdy Egemen.kz.

Bul norma búgin palatanyń jalpy otyrysynda senatorlar qaraǵan «Tuńǵysh Prezıdent - Elbasy týraly» Konstıtýsııalyq Zańda jazylǵan.

Sondaı-aq, depýtattar «Qaýipsizdik Keńesi týraly» jáne «Qazaqstan halqy Assambleıasy týraly» Zańdarǵa buryn usynylǵan ózgerister men tolyqtyrýlardy talqylady. Túzetýlerde Elbasynyń Qaýipsizdik Keńesinde jáne Qazaqstan Halqy Assambleıasynda ómir boıy tóraǵalyq etý quqyǵynyń kúshin joıý kózdeledi.

Joǵarǵy Palata depýtattary májilismenderdiń buryn aıtylǵan barlyq ózgeristerin maquldady. Biraq, óz túzetýlerin usyna otyryp, zań jobasyn tómengi palataǵa qaıta qaraýǵa qaıtaryp otyr.

«Senatorlar zańnamaǵa engizilip otyrǵan memleketimizdiń Qaýipsizdik Keńesin, Qazaqstan Halqy Assambleıasyn memleket basshysy óziniń qyzmetine sáıkes basqarýy tıis degen ózgeristerdi qoldady. Sonymen qatar zańdy talqylaý barysynda bir norma engizilip otyr.

Ol – «Tuńǵysh Prezıdent týraly» zańnan memlekettiń ishki jáne syrtqy saıasatyna baılanysty  bastamalardy Elbasymen kelisilýge tıis degen norma alyp tastaldy. Sondyqtan da Senat zańnamaǵa engizilgen ózgeristerdi tujyrymdamaly túrde qoldap, bir ózgerispen Májiliske qaıtardy», dedi senat depýtaty Lázzat Súleımen.

Senat usynǵan túzetýler Májiliske jiberildi.

Sońǵy jańalyqtar

Uqsas jańalyqtar