2022 jylǵa arnalǵan is-qımyl baǵdarlamasy aıasynda Ulttyq ekonomıka mınıstrligi usynatyn sharalar halyqtyń tabysyn arttyrýǵa, shaǵyn jáne orta bıznesti damytýǵa, jańa ınvestısııalyq saıasatty qalyptastyrýǵa, memlekettiń el ekonomıkasyna qatysý úlesin qysqartýǵa, makroekonomıkalyq turaqtylyqty qamtamasyz etýge, memlekettik basqarý júıesin jańǵyrtýǵa jáne tarıftik saıasatty jetildirýge baǵyttalǵan.
Aýyl sharýashylyǵy mınıstrligi usynǵan sharalar jańa alma baqtaryn otyrǵyzý, et ónimderin qaıta óńdeý, qus etin óndirý, balyq ósirý, kartop pen kókónisterdi saqtaý jónindegi ınvestısııalyq jobalardy iske asyrýdy kózdeıdi. Aýyl sharýashylyǵy taýar óndirýshilerin jeńildetilgen nesıe berýmen, kóktemgi egis jumystaryn júrgizýge arzandatylǵan dızel otynymen qamtamasyz etý, AО́K sýbektilerin sýbsıdııalaý júıesin jetildirý, veterınarııalyq júıeni reformalaý josparlanyp otyr. О́ndiriske qazirgi zamanǵy resýrs únemdeýshi tehnologııalardy engizý, tuqym sharýashylyǵyn jáne jemshóp óndirisin damytý jóninde sharalar qabyldanatyn bolady.
Ekologııa, geologııa jáne tabıǵı resýrstar mınıstrligi qorshaǵan ortaǵa lastaýysh zattar shyǵaryndylaryn azaıtý, búlingen jerlerdi qalpyna keltirý, «tarıhı» lastanýlardy joıý, qaldyqtardy basqarý júıesin jetildirý, kólderdi qalpyna keltirý, sý ınfraqurylymyn sıfrlandyrý, balyq salasyn damytý boıynsha sharalardy usyndy. Oǵan qosa, kádege jaratý alymynyń stavkalary qaıta qaralatyn bolady.
Tótenshe jaǵdaılar mınıstrligi Azamattyq qorǵanys áskerı bólimderiniń uıymdyq-shtattyq qurylymyn reformalaý, azamattyq qorǵaý organdarynyń materıaldyq-tehnıkalyq jáne áleýmettik qamtamasyz etilýin nyǵaıtý jóninde sharalar qabyldaýdy josparlap otyr.
Qorǵanys Mınıstrligi Qarýly Kúshterdi reformalaý jónindegi birinshi kezektegi mindetterdi iske asyrý jóninde sharalar qabyldaıdy. Áskerlerdiń jaýyngerlik ázirligi men jaýyngerlik qabiletin arttyrý maqsatynda jeke quramnyń sanyn ulǵaıtý, áskerlerdi qazirgi zamanǵy qarý-jaraqpen jáne áskerı tehnıkamen jaraqtandyrý, qajetti áskerı ınfraqurylymmen jaılastyrý jónindegi sharalar kózdelgen.
