Kollajdy jasaǵan Qonysbaı ShEJIMBAI, «EQ»
О́ńirdegi densaýlyq saqtaý basqarmasy men sanıtarııalyq-epıdemıologııalyq baqylaý departamenti mamandary koronavırýs ınfeksııasynyń taralýyna baılanysty ahýaldy jarııa etti. Máselen, 21-27 qańtar aralyǵynda aldyńǵy aptamen salystyrǵanda aýrýshańdyq deńgeıi 27%-ǵa, 2 188-den 2 997-ge deıin ósti.
Oblys epıdemııalyq ahýal boıynsha 14 qańtardan beri «qyzyl» aımaqta. Jalpy, epıdemııa bastalǵaly 45 792 adam osy aýrýdy juqtyrsa, 859 adam COVID-19-dan kóz jumǵan.
«Aýrýshańdyq deńgeıi kóterilip, stasıonarlardyń tolymdylyq paıyzy artqan soń tósek sanyn 619-dan 751-ge deıin ulǵaıttyq. Osylaısha, Báıterek aýdandyq aýrýhanasynda – 30 tósek, KVI oń nátıjeli bosanatyn áıelder úshin oblystyq perınataldyq ortalyqta – 20 tósek jáne oblystyq ınfeksııalyq aýrýhanada balalarǵa arnalǵan tósektik oryndar ashyldy», deıdi oblystyq densaýlyq saqtaý basqarmasy basshysynyń orynbasary Ashat Balyqov.
Dál qazir oblys boıynsha 13 ınfeksııalyq stasıonar istep tur. Munda 310 naýqas em alýda. 76 reanımasııalyq tósektik-orynda 18 naýqas emdelýde.
О́ńirde koronavırýs ınfeksııasyna qarsy vaksınanyń birinshi komponentin alǵan adam sany 265 637-ge jetken. Bul jalpy jospardyń 64,1%-yn quraıdy. Onyń ishinde «Spýtnık V» vaksınasyn 190 116 adam, «QazVac» vaksınasyn 20 545 adam, «Hayat-Vax» vaksınasyn 25 010 adam, «Corona-Vac» vaksınasyn 7 729 adam, «Vero Cell» vaksınasyn 22 237 adam alǵan. Vaksınanyń II komponentimen barlyǵy 248 727adam egilipti.
«Qazirgi tańda Pfizer kompanııasynyń «Komırnatı» vaksınasyn 8 385 adam aldy, onyń ishinde 4 330-y – jasóspirim, 294-i – júkti jáne 3 761-i bala emizetin áıelder», dep habarlady Ashat Járdemǵalıuly.
Búginde oblystyń 40 453 turǵyny revaksınalaýdan ótken. 25 qańtarda oblysqa «Spýtnık Lite» vaksınasynyń 3 myń dozasy jetkizildi.
О́ńirdegi sanıtarııalyq-epıdemıologııalyq baqylaý departamenti basshysynyń orynbasary Nurlybek Mustaevtyń aıtýynsha, ınfeksııa, ásirese kámeletke tolmaǵandar arasynda keń tarap barady. Máselen, jyl basynan beri 14 jasqa deıingi – 505, 15-17 jas aralyǵyndaǵy 156 jasóspirim vırýs juqtyrǵan. Olardyń arasynda – 431 oqýshy, balabaqshaǵa baratyn – 42, barmaıtyn 153 bala bar eken. Covid-19 dıagnozy, sondaı-aq 178 muǵalimge, 156 dárigerge de qoıylǵan. Arnaýly orta oqý oryndarynyń 24 stýdenti, JOO-lardyń 20 stýdenti de vırýs juqtyryp, esepke alynǵan.
2022 jylǵy 27 qańtarda Bas memlekettik sanıtarııalyq dárigerdiń mindetin atqarýshynyń qoldanystaǵy shekteýlerdi jeńildetýdi kózdeıtin jańa №7 qaýlysy qabyldanǵan bolatyn. Soǵan sáıkes, Ashyq jobasyna qatysatyn nysandar úshin jumys jáne demalys kúnderi ýaqyt boıynsha jumys rejimin shekteý alynyp tastaldy.
Sondaı-aq epıdemııalyq táýekel aımaǵyna qaramastan, saltanatty keshterdi, eske alý, oıyn-saýyq, sporttyq is-sharalardy, kórmeler men konferensııalar, forýmdar ótkizý, sport keshenderiniń, saýyqtyrý jáne dinı nysandardyń, oıyn-saýyq keshenderiniń, saýda jelileri men basseınder qyzmetinde qyzmetkerler men kelýshilerdiń qaýipsiz «jasyl» mártebesi boıynsha jumys isteıtin obektiler úshin shekteý alynyp tastaldy.
Batys Qazaqstan oblysy
