Tabıǵı monopolııalardy retteý komıteti barlyq gazdandyrylǵan óńirdegi «QazTransGaz Aımaq» AQ tutynýshylary úshin gaz baǵasyna saraptama júrgizýge bastama jasaǵanyn habarlady. 2021 jylǵy qyrkúıektiń aıaǵynda tarıftik organnyń suraýy boıynsha «QazTransGaz Aımaq» AQ saraptamaǵa qajetti qujattardy tapsyrǵan.
TMRK baǵa saraptamasynyń qorytyndysy boıynsha «QazTransGaz Aımaq» AQ-tyń jetkizý ústeme aqysyn elimizdiń barlyq gazdandyrylǵan óńirinde 15 paıyzdan (Shyǵys Qazaqstan oblysy) 50,63 paıyzǵa (Atyraý oblysy) tómendetken.
Komıtet málimetinshe, tutynýshylar úshin gazdyń baǵasy 70-80 paıyzǵa Energetıka mınıstrligi bekitetin kóterme baǵaǵa baılanysty, al tabıǵı gaz baǵasynyń qalǵan bóligi tasymaldaý qyzmetteri men TMRK retteıtin gazdy ótkizý shyǵyndarynan turady.
Jabdyqtaý ústemesin tómendetý jumystary nátıjesinde komıtet tutynýshylar úshin taýarlyq gazdyń túpkilikti shekti baǵalaryn 0,34-ten 38,96 paıyzǵa deıin tómendetken.
Tómendetilgen baǵalar 2022 jyldyń 1 aqpanynan bastap kúshine enedi.
