Kásipkerler rızashylyǵy

Memleket basshysy Nursultan Nazarbaevtyń atyna Almaty oblysynyń shaǵyn jáne orta bıznes ókilderinen hattar men jedelhattar kelip tústi, dep habarlady Prezıdenttiń baspasóz qyzmeti. Avtorlar Memleket basshy­sy qol qoıǵan «Qazaqstan Res­pý­blıkasynda kásipkerlik qyzmet úshin jaǵdaıdy jaqsartý jónin­­de­gi túbegeıli sharalar týraly» Jarlyq aıasynda qabyldanǵan sheshim úshin rızashylyqtaryn bildirdi. Atap aıtqanda, Tekeli qala­­syndaǵy «Kaktas» JShS dırek­­torynyń orynbasary N.Gonteı shaǵyn jáne orta bıznes sýbek­tilerin josparly tekserýge mora­­to­­rııdi qajetti shara jáne bız­nes­­­menderdi naqty qoldaý dep biledi. «Mramor-Tas» JShS atqa­­­­rýshy dırektory M.Qap­sa­laev tekserýge moratorıı kásip­ker­lerge shynaıy qamqorlyqty kór­setetin qadam ekenin atap ótken. «Bul bizge, birinshi kezekte, kóp jaǵdaıda eshqandaı negizsiz, kenetten bolatyn tekserýlerdiń kesirinen ýaǵdalastyq mindet­temelerimiz buzylady-aý dep qoryqpaı, óz bıznesimizdi naqty josparlaýǵa múmkindik beredi», delingen hatta. Shonjy aýylynyń kásipke­ri R.Baratova Qazaqstan Pre­zıdentiniń sheshimi kásip­ker­likti qoldaýdaǵy jańa túbegeıli ózge­risterdiń bas­taýy bolatynyna senim bildirgen. О́tegen batyr kentindegi «Jol­­­barysty» JShS dırektory G.Seı­tasanova Memleket basshysyna elimizde bıznestiń damý máse­­­lelerine turaqty kóńil bólip otyrǵany úshin rahmetin aıtady. «Tekserýlerge moratorıı bizge qyzmetkerlerimizdiń ot­ba­sylarynyń ál-aýqatyn art­ty­rýǵa, ortaq úıimiz – Qazaqstan Respýb­lıkasynyń ekonomıkasyn kóte­rýge septigin tıgizetin qazirgi joba­larymyzdy júzege asyrýǵa jáne jańalaryn ázirleýge den qoıýǵa múmkindik beredi», dep jazady avtor.