Avtomat jáne granatomettermen qarýlanǵan bir top adam 1-aqpan kúni el astanasy Bısaýdaǵy Úkimet úıine shabýyl uıymdastyrǵan. Dál sol sátte ǵımaratta memleket kóshbasshylarynyń qatysýymen mınıstrler keńesiniń otyrysy ótip jatqan.
«Memlekettik tóńkeris jasaý áreketi kezinde Gvıneıa-Bısaýdaǵy úkimet saraıynda bolǵan atys saldarynan alty adam qaıtys boldy», delingen habarlamada.
Buǵan deıin Gvıneıa-Bısaý prezıdenti Omar Sıssoko Embalo el astanasy Bısaýda atys bes saǵatqa sozylǵanyn, nátıjesinde kóptegen adamdar ajal qushqanyn málimdegen edi. Áıtkenmen ol qaıtys bolǵandardyń sany týraly naqty málimetter keltirgen joq. Memleket basshysy óziniń prezıdent saraıynda ekenin, al qaladaǵy jaǵdaı baqylaýǵa alynǵanyn atap ótti.
