«Bekitilgen baǵasy 50-75 teńge aralyǵynda. Naqty quny óńirlerge baılanysty. Árıne suıytylǵan gaz óndiretin zaýyt ornalasqan jerde baǵa 50 teńgeden aspaıdy. Odan myń shaqyrym shalǵaı jerge de gaz jetkizý kerek. Sondyqtan gaz baǵasy 75 teńgege deıin barady», dep túsindirdi Aqsholaqov ortalyq kommýnıkasııalar qyzmetinde ótken onlaın brıfıngte.
Mınıstrdiń aıtýynsha, qazirgi kezde gaz jetkilikti. Ákimdikter gazdyń kólemi týraly turaqty túrde habarlap otyrady.
«Biz árbir ákimdikpen jumys istep jatyrmyz. Kúnde habaryn alyp otyramyz. Eger qandaı da bir jaǵdaı bolsa, sol kúni sheshýge tyrysyp otyramyz. Biraq qazirgi jaǵdaı turaqty, gaz 50-75 teńgeden satylyp jatyr», dep atap ótti vedomstvo basshysy.
