Ekonomıkalyq yntymaqtastyq uıymyna (EYU) múshe memleketterdiń Kólik mınıstrleriniń 11-kezdesýi beınekonferensııa rejıminde ótti.
Otyrysqa uıymǵa múshe elderden basqa MCAT, OTIF, BUU EEK, TJYU, Saýda jáne damý bankiniń halyqaralyq uıymdarynyń basshylary qatysty.
Qazaqstan delegasııasyn QR Indýstrııa jáne ınfraqurylymdyq damý vıse-mınıstri Berik Kamalıev basqaryp, tranzıttik kólik dálizderiniń tıimdiligin arttyrý týraly baıandama jasady.
Jıynda kólik sektory, onyń ishinde mýltımodaldyq tasymaldar, ásirese, pandemııadan keıingi kezeńde tranzıttik tasymaldardy jeńildetý jáne qalpyna keltirýdiń mańyzyn atap ótti. Sondaı-aq óńirdegi tasymaldar turaqtylyǵyn arttyrý jónindegi odan arǵy is-qımyldarǵa, onyń ishinde EYU elderi arqyly jetkizý tizbeginiń úzdiksiz jumys isteýine qatysty usynymdar berildi.
Budan basqa, vıse-mınıstr uıymǵa múshe elderdiń kólik mınıstrlerin Qazaqstanda kólik salasyn damytý boıynsha qabyldanyp jatqan sharalar týraly habardar etti. Atap aıtqanda:
- Kaspııdegi Aqtaý jáne Quryq porttaryn qosa alǵanda, Transkaspıı halyqaralyq kólik baǵdaryn (THKB) damytý;
- Aqtaý portynda qýaty 100 myń jıyrma fýttyq ekvıvalentten asatyn «Konteınerlik hab» qurý jónindegi josparlar;
- Iran, Ázirbaıjan jáne Reseı porttarymen paromdyq qatynastar men fıderlik jelilerdi damytý;
- EYU elderine Amırabad/Anzalı (Iran) – Aqtaý baǵytyn paıdalanyp, Bender-Abbas (Iran) portynan Aqtaý portyna deıingi baǵdardy damytýǵa jaıyna toqtaldy.
2021 jyldyń qorytyndysynda júkter men konteınerler tranzıtiniń kólemi 21,6% artyp, 1 065,6 myń JFE qurady.
Sonymen qatar óńirdegi qýatty kólik-logıstıkalyq habqa aınalǵan «Qorǵas - Shyǵys qaqpasy» AEA-daǵy qurǵaq portty damytý; Qazaqstan qoldanatyn, sondaı-aq keden qyzmetteri paıdalanatyn Kaspıı mańy elderiniń porttary arasynda derekter almasýǵa múmkindik beretin aqparattyq júıeler; stansııalardy basqarýdyń avtomattandyrylǵan júıelerin paıdalaný, jergilikti jumys jáne poezdar qozǵalysyn uıymdastyrý kezinde oryndalǵan qozǵalys kestesin júrgizý jáne taldaý týraly aıtyldy.
Qytaımen shekarada tranzıttiń ósýine jáne keptelistiń aldyn alýǵa baǵyttalǵan «Temir kerýen» temirjol tranzıttik tasymaldaryn damytý jónindegi yntymaqtastyq týraly Memorandýmdy pysyqtaý, tarıftik sharttardy belgileý boıynsha jumystardy jalǵastyryp, Qytaı-Qazaqstan-Túrikmenstan-Iran dálizin damytý qajettiligine nazar aýdaryldy.
Otyrys qorytyndysynda EYU Kólik mınıstrleriniń 11-shi keńesiniń Ankara deklarasııasy - 2022 qabyldandy.
