Qysqy sport • 03 Aqpan, 2022

Aq Olımpıada: Qazaqstandyq sportshylar úshinshi aqpanda qandaı nátıje kórsetti?

676 ret
kórsetildi
1 mın
oqý úshin

Búgin Qysqy Olımpıadanyń baǵdarlamasyna sáıkes frıstaıl-mogýl sportynyń sheberleri synǵa tústi, dep habarlaıdy Egemen.kz.

Aq Olımpıada: Qazaqstandyq sportshylar úshinshi aqpanda qandaı nátıje kórsetti?

Bul synda áıelder quramasynyń sapynda Iýlııa Galysheva, Aıaýlym Ámirenova, Olesıa Graýr, Anastasııa Gorodko el namysyn qorǵaýǵa tıis bolǵan. Alaıda olardyq eshqaısysy birinshi múmkindikten fınalǵa óte almady. Aıaýlym Ámirenova 16 orynnan kórinse, Olesıa Graýr 23 orynǵa taban tiredi. Anastasııa Gorodko dodany aıaqtaı almasa, Iýlııa Galysheva jarysqa shyqqan joq.

Erler arasyndaǵy alamanda da asyǵymyz alshydan túspedi. Pavel Kolmakov pen Dmıtrıı Reıherd dodaǵa aralasqanymen, alǵashqy múmkindikten fınaldyq joldamany qaltaǵa salǵan joq. Reıherd 12 orynǵa taban tirese, Kolmakov 17 orynǵa turaqtady. Endi bul sportshylardyń barlyǵy ekinshi múmkindikterin kútedi.