Nur-Sultan qalasynda áleýmettik kómek kórsetýdiń, onyń mólsherlerin belgileýdiń jáne muqtaj azamattardyń jekelegen sanattarynyń tizbesin aıqyndaýdyń qaǵıdalaryna sáıkes sanatorlyq-kýrorttyq emdelýge jumsalǵan shyǵyndardy óteý túrinde áleýmettik kómek kózdelgen. Mundaı áleýmettik qoldaýdyń ıgiligin birqatar azamat kóre alady. Máselen, ońaltýdyń jeke baǵdarlamasynda jeke kómekshiniń áleýmettik qyzmetterin usyný boıynsha is-sharasy bar múgedek balalardy jáne I toptaǵy múgedekterdi ertip júretin adamdar (jumys istep júrip mertikken nemese kásiptik aýrýǵa shaldyqqan múgedekterdi qospaǵanda).
Áleýmettik kómek alý úshin azamattar sanatorlyq-kýrortty alǵannan keıin 30 kúntizbelik kúnnen keshiktirmeı ákimshige birqatar qujatty qosa usyna otyryp, ótinish beredi. Ondaı qujattardyń qatarynda jeke basyn kýálandyratyn qujat, shot-faktýra nemese fıskaldy chek; oryndalǵan jumystar aktisi, ekinshi deńgeıdegi banktegi nemese «Qazposhta» aksıonerlik qoǵamyndaǵy bank shotynyń nómiri týraly málimetter bar.
Qujattar salystyryp tekserý úshin túpnusqada usynylady. Sodan keıin qujattardyń túpnusqalary ótinish berýshige qaıtarylady. Sanatorlyq-kýrorttyq emdelýge arnalǵan shyǵyndardy óteý túrindegi áleýmettik kómek azamattardyń sanatorlyq-kýrorttyq emdeýdi usynatyn uıymda bolǵan kezeńinde bir adamǵa naqty shyǵyndar mólsherinde, biraq 35 AEK-ten aspaıtyn mólsherde beriledi.
Atalǵan áleýmettik kómek kórsetý máseleleri boıynsha Nur-Sultan qalasy, Dostyq kóshesi, 13 mekenjaıynda ornalasqan qalanyń Jumyspen qamtý jáne áleýmettik qorǵaý basqarmasyna habarlasý qajet. Baılanys telefony: +77785014172.
