Kezdesýge múddeli memlekettik organdardyń ókilderi jáne AHQO basqarýshysy Q. Kelimbetov qatysty. Brıtandyq jáne reseılik sheteldik tehnıkalyq joǵary oqý oryndarynyń eki fılıalyn ashý múmkindigi qarastyryldy, olardyń biri AHQO alańynda ashylady.
Fılıaldarda oqytý kadrlar daıarlaýdyń basym baǵyttary boıynsha, sondaı-aq el ekonomıkasynyń qajettiligin eskere otyryp júzege asyrylady. QR Premer-Mınıstriniń orynbasary E. Toǵjanov qazaqstandyq taraptyń bedeldi sheteldik ýnıversıtetterdiń fılıaldaryn ashýǵa qajetti kómek kórsetýge daıyn ekenin atap ótti.
Vıse-premer Bilim jáne ǵylym mınıstrligine sheteldik ýnıversıtetterdiń usynystaryn egjeı-tegjeıli zerdeleı otyryp, áleýetti ınvestorlarmen kelissózderdi jedeldetý jóninde naqty tapsyrmalar berdi.
Sondaı-aq Avstrııa men Túrkııa Respýblıkasynyń ınvestısııalyq kompanııalarynyń ókilderimen densaýlyq saqtaý salasyndaǵy ınvestısııalyq jobalardy iske asyrý máseleleri boıynsha kezdesý ótkizildi. Kelissózder barysynda kópbeıindi aýrýhana ashý, sondaı-aq Qazaqstannyń densaýlyq saqtaý salasynda ınnovasııalyq sheshimderdi qoldaný múmkindikteri qaraldy.
Kompanııalardyń usynystaryn Densaýlyq saqtaý mınıstrligi múddeli memlekettik organdarmen birlesip qaraıdy.
